Cille Phàdraig nam Fleamach
| Cille Phàdraig nam Fleamach | |
 | |
| |
| Suidheachadh | |
| Dùthaich |  Alba
|
| Ceàrn | Dùn Phris is Gall-Ghaidhealaibh |
| Co-chomharran | 55° 01′ 27″ Tuath 03° 08′ 05″ Iar |
| Feartan fiosaigeach | |
| Àireamh fòn | 01461 |
| Duilleag oifigeil | Cille Phàdraig nam Fleamach aig Visit Scotland |
‘S e baile beag dùthchasail faisg air Inbhir Anainn,[1] air an àirde an iar-dheas na h-Alba a th’ ann an Cille Phàdraig nam Fleamach. Tha e suidhichte aig 42m os cionn ìre na mara,[2] air an àirde an ear Dhùin Phris is Gall-Ghaidhealaibh (Siorrachd Dhùn Phrìs ro 1975), eadar Eaglesfield agus Greatna, ri taobh na h-Aibhne Kirtle.[3] Tha e 246km air falbh bho Obar Dheathain, 118km bho Ghlaschu, 31km bho Dhùn Phrìs agus 104km bho Dhùn Èideann, prìomh-bhaile na dùthcha.[4] 'S e Beurla agus Beurla Ghallda th' ann an dà chànan aig a’ mhòr-chuid dhuibh ann an Cille Phàdraig nam Fleamach. Tha Eaconomaidh a' bhaile gu math crochte air àiteachas agus dreuchdan ann an Cathair Luail. A bharrachd air sin, tha talla a' bhaile[5] agus taigh-bìdhe[6] ann. Taobh fhoghlaim, tha bun sgoil ann,[7] ach feumar a dhol dhan àrd sgoil ann an Inbhir Anainn.
Freumhan an Ainm
deasaichA rèir eòlaichean fhreumh-fhaclachd, tha a h-uile coltas ann gur ann à Cille agus Pàdraig sa a' Ghàidhlig fhèin a tha ainm a' bhaile.[8] Nochd a' Ghàidhlig ann an ceann a deas na h-Alba anns an 7mh Linn agus bha an cànan fhathast làidir ann an Siorrachd Dhùn Phrìs fhèin anns an 14mh Linn.[9]
Eachdraidh
deasaichThog na Ròmanaich campa agus rathad tron sgìre o chionn fhada.[10] 'S e na Fleming an teaghlach Tormodach aig an robh làmh an uachdair an seo o shean. Tha eaglais air a bhith ann fad na linntean: thug Raibeart I na h-Alba i do mhanaich à Giseburn ann an 1191. Cha do deach an eaglais a chithear nar làithean a thogail ach ann an 1735 agus chaidh i a leasachadh ann an 1778.[11] Chaidh am parraist a chruthachadh ann an 1609 tro aonadh Kirconnel agus Irving, ach tha e ann an aon pharraist còmhla ri Half Morton agus Greatna a-nis.[12] Tha beul-aithris na sgìre ag innse dhuinn gu robh Am Brus a' falach ann an uamh an seo nuair a chunnaic e an damhan-allaidh ainmeil sin.[13] Thogadh stèisean rèile air an loighne eadar Glaschu agus Cathair Luail ann an 1847 ach dhùnadh e ann an 1960 is chaidh an togalach a reic.[14] A-rèir carragh-chuimhne sa bhaile, fhuair 26 à Cille Phàdraig nam Fleamach bàs sa Chogadh Mòr[15] agus deichnear eile san Dàrna Cogadh.
Daoine Ainmeil
deasaich- Andrew Smith (1798 - 1861). Innleadair.
Iomraidhean
deasaich- ↑ Scottish Places
- ↑ Elevation Map
- ↑ NCAP[dead link]
- ↑ Distance From
- ↑ Village Halls
- ↑ Trip Advisor
- ↑ A' Chomhairle
- ↑ Etymological Geography: Being a Classified List of Terms of Most Frequent Occurrence, T. A. Gibson, Dùn Èideann, 1835
- ↑ Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147
- ↑ CAST
- ↑ Canmore
- ↑ Gretna Old Parish
- ↑ Dumfriesshire Companion
- ↑ Lindsay, David M. E. (2002). G&SWR Register of stations, routes & lines. G&SWR Association. Pàirt 2.1, Duilleag 2
- ↑ Scottish War Memorials Project
Achadh na h-Eaglaise • Ae • Amisfield • Applegarthtown • Auldgirth • Bankend • Bàrr na Dris • Beattock • Bentpath • Canonbaidh • Cathair • Cathair Ruairidh • Chapelknowe • Cille Chonaill • Cille Bhrìghde • Cill Osbairn • Cille Phàdraig nam Fleamach • An Clachan • Clarencefield • Collin • Comar na Drise • Cuingealach • Dalswinton • Daltan • Doire Chonaill • Dòrnach • Drochaid Charrainn • Drochaid a' Mhuilinn • Drochaid Mhic Iain • Dubhras na Doire • Dùn Choll • Dùn Phris • Dùn Sgoir • Eaglais Fheichin • Eastriggs • Eskdalemuir • Gleann Chapall • Greatna • Hightae • Hoddom • Inbhir Anainn • Kettleholm • Kirtlebridge • Langaim • Loch Mhabain • Logarbaidh • Am Magh Fada • Middlebie • Mouswald • Parkgate • Penpont • Powfoot • Ruadhail • Templand • Torthorwald • Tynron • Wamphray • Waterbeck