Dubhras na Doire
Dubhras na Doire.jpg
Mapa dg doras na frìthe.jpg
Suidheachadh
Dùthaich Flag of Scotland.svg Alba
Ceàrn Dùn Phris is Gall-Ghaidhealaibh
Co-chomharran 55° 18′ 55″ Tuath
03° 44′ 32″ Iar
Feartan fiosaigeach
Àireamh fòn 01848

‘S e baile beag dùthchasail faisg air An t-Seann Chathair, air an àirde an iar-dheas na h-Alba a th’ ann an Dubhras na Doire. Tha e suidhichte aig 175m os cionn ìre na mara[1] ann an ceanna tuath Dhùin Phris is Gall-Ghaidhealaibh (Siorrachd Dhùn Phrìs ro 1975), eadar Bàrr na Dris agus Cuingealach, ri taobh na h-aibhne Uisge Charrain.[2] Tha e 228km air falbh bho Obar Dheathain, 69km bho Ghlaschu, 28km bhon Dhùn Phrìs agus 79km bho Dhùn Èideann, prìomh-bhaile na dùthcha.[3] 'S e Beurla a th' ann a’ chiad chànain aig a’ mhòr-chuid dhe na daoine ann an Dubhras na Doire. Tha Eaconomaidh a' bhaile gu math crochte air àiteachas, coilltearachd agus turasachd. A bharrachd air sin, thathar a' cumail rèis an seo gach bliadhna[4] anns a’ bhaile. Taobh fhoghlaim, chan eil sgoiltean ann is feumar a dhol dhan sgoil ann am Bàrr na Dris.[5]

EachdraidhDeasaich

Bha campa Ròmanach an seo o shean, ri linn Antonius Pius (86 - 161).[6] Thogadh na tobhtaichean sin sa sgìre seo gus smachd a chumail air Bealach Dalveen, a tha dìreach ri chùlaibh a' bhaile. Chaidh Na Seumasaich seachad air Dubhras na Frìthe air an t-seann rathad shuas gu tuath ann an 1746, an dèidh dhaibh Sasainn fhàgail.[7] Nochd am baile anns an nobhail Rab and his Friends, a sgrìobh an Dotair Iain MacGilleDhuinn ann an 1859.[8] Bha eaglais air a bhith ann bho na meadhan aoisean ach chaidh i a leasachadh sa 17mh linn is sa 18mh Linn leis na Queensberry, uachdaran na sgìre.[9] Bha mu 1,800 duine a' fuireach an seo ann an 1851, ach thuit an àireamh seo san dàrna leth dhen 19mh Linn ri linn a Thionndaidh Ghnìomhachais.[10] A-rèir carragh-chuimhne faisg air an t-stèisean, fhuair 28 duine às an sgìre seo bàs sa Chogadh Mòr[11] agus seachdnar eile san Dàrna Cogadh.

IomraidheanDeasaich

  1. Elevation Map
  2. Scottish Places
  3. Distance From
  4. Carnethy
  5. School Guide
  6. Canmore
  7. Am Baile
  8. Gutenberg
  9. Dumfriesshire Companion
  10. Vision
  11. Scottish War Memorials Project