An t-Sròn Reamhar

An t-Sròn Reamhar


Suidheachadh

Dùthaich	Alba
Comhairle	Dùn Phris is Gall-Ghàidhealaibh
Siorrachd	Siorrachd Bhaile na h-Ùige
Parraist	An t-Sròn Reamhar fhèin^[1]
Co-chomharran	54° 53′ 60″ Tuath 05° 01′ 60″ Iar
Comharradh-clèithe	NX 059 606
Feartan fiosaigeach
Àireamh-shluaigh	10,851 (2011^[2])
Àireamh fòn	01988
Còd-puist	DG9^[3]

‘S e baile meadhanach agus port gu math cudromach^[4] faisg air Machair an Sgithich, air an àirde an iar-dheas na h-Alba a th' anns An t-Sròin Reamhair^[5] (IPA: ənˠ̪ t̪ʰɾɔːn ɾãũ.əɾ, Beurla: Stranraer, Beurla Ghallta: Stranrawer). Tha e suidhichte eadar ìre na mara fhèin shìos aig a' chidhe agus 23m os cionn ìre na mara shuas air a' bheinn,^[6] eadar Loch Rìoghaine, Bàgh Luis agus Na Rannaibh, air an àirde an iar Dùn Phris is Gall-Ghàidhealaibh (Siorrachd Bhaile na h-Ùige ro 1975). Tha e 309km air falbh bho Obar Dheathain, 118km bho Ghlaschu, 93km bho Dhùn Phrìs agus 165km bho Dhùn Èideann, prìomh-bhaile na dùthcha.^[7] 'S e Beurla agus Beurla Ghallta a th' aig a’ mhòr-chuid dhiubh anns An t-Sròin Reamhair. Tha eaconomaidh a' bhaile gu math crochte air àiteachas agus turasachd, gu h-àraidh na bàtaichean. Taobh fhoghlaim, tha còig bun-sgoiltean agus aon àrd-sgoil ann.^[8]

Freumhan an Ainm

A rèir eòlaichean fhreumh-fhaclachd, tha e coltach gur ann à sròn agus reamhar anns a' Ghàidhlig fhèin a tha an t-ainm, leis gu bheil e ann an tairbeart nàdarra ri taobh nan Rannaibh.^[9] Nochd a' Ghàidhlig ann an ceann a deas na h-Alba anns an 7mh Linn, mòran bhliadhna an dèidh Chuimris, agus bha an cànan fhathast làidir ann an Siorrachd Bhaile na h-Ùige fhèin anns an 18mh Linn.^[10] A dh' aindeoin sin, tha cuid dhen beachd gur ann à seann chuimris a tha e, leis gu robh an cànan làidir air an àirde an iar-dheas na h-Alba an dèidh nan Ròmanach.^[11] Tha cruth na tìre agus fuaimneachadh an ainm sa sgìre a' gabhail ris an teòiridh Ghàidhealach.

Eachdraidh

Chaidh baile a chlàradh faisg air Loch Rìoghaine le Ptolemy, ris an canadh Rerigonium, a tha a' ciallachadh Àite an Righ. Thathar dhen bheachd gur e An t-Sròn Reamhar neo Machair an Sgithich a bh' ann.^[12] 'B e port-mara airson aiseig a tha ann. An sin bha seirbheis aiseagan a' ruith gu Beul-Feirste le Stena Line le seirbheisean gluasadach gu Machair an Sgithich ann an 2011. Ann an 1763 chaidh rathad a chruthachadh leis an arm eadar Port Phàdraig agus Cathair Luail, a dheidheadh tron t-Sròn Reamhar.^[13] Bhathar ag iarraidh an rathad seo a chleachdadh airson Èirinn a cholonachadh. Bha e na Bhorgh Rìoghail le dleastanasan riaghlaidh eadar 1855 agus 1930, nuair a chuireadh às dhan t-siostam.^[14]

Poileataigs

Tha Comhairle Coimhearsnachd airson an Sròin Reamhair, Ochtrelure agus Belmont is tha 7,795 daoine a' fuireach ann.^[15]

Tha e a' buntainn dhan uàrd-taghaidh 01 (An t-Sròn Reamhar agus na Rannaibh) airson Comhairle na Roinne.^[16]

	Ainm	Bhòtaichean
Gun phàrtaidh	Willie Scobie	1,925
Tòraidheach	Andrew Giusti	1,703
Nàiseantaich	Ros Surtees	765
Làbaraich	Tommy Sloan	312

Gnàth-shìde

'S ann ann an sgìre mòran nas blàithe (Cuibheasachd bhliadhnail: 8.6 °C) agus mòran nas fhliche (Cuibheasachd bhliadhnail: 1087mm) an coimeas ris an còrr dhen dùthaich 's a tha An t-Sròn Reamhar. Tha sileadh trom ann, fiù 's fad na mìosan nas tioraim, leis nach eil e idir fad air falbh bhon mhuir air an àirde an iar na h-Alba. 'S e àite Cfb ann an sgèile Köppen-Geiger a th' anns An t-Sròin Reamhair.^[17] Chan eil an t-sneachd idir pailt an seo. Tha diofar mhòr eadar am mìos as fhliche agus am mìos as tioraim: 57mm eadar an Cèitean (dìreach 62mm) agus an Dàmhair (119mm). Fad na bliadhna, bidh an teothachd ann am fiaradh mheadhanach: 11.4 °C.

Daoine Ainmeil

Emma Harper (1978) Neach-poileataigs.

Iomraidhean

↑ Arcgis
↑ Scotland's Census Result OnLine
↑ Post Code Maps
↑ Port na Sròine Reamhaire
↑ “Stranraer/An t-Sròn Reamhar”. Ainmean-Àite na h-Alba. Air a thogail 18mh dhen Dùbhlachd 2017.
↑ Falling rain
↑ Distance from - to
↑ A' Chomhairle
↑ Studies in the Topography of Galloway, Sir Herbert Eustice Maxwell of Monreith, Constable, Dùn Èideann, 1887
↑ Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147
↑ The Brittonic Language in the Old North
↑ Roman Britain
↑ Old Roads of Scotland
↑ NRS
↑ “My Community Council: Stranraer, Ochtrelure and Belmont”. Comhairle Dhùn Phris agus Gall-Ghaidhealaibh. Air a thogail 15mh dhen Dàmhair 2023.
↑ LGBC
↑ Climate Data

Bailtean ann an Siorrachd Bhaile na h-Ùige

Achadh na Meilge • Àrd Bhaile • Baile Gheàrr Lios • Baile na h-Ùige • Baile Ùr Ghlinn Lus • Baile Ùr nan Stiùbhartach • Barrachan • Blaidneach • Càrn Rìoghain • Cille Chainneir • Cill Choluim • Cill Chomhghain • Cill na Tràghad • Clachan Ghlinn Lus • Damnaglaur • An Druim Mòr • Dùn Reichit • Eaglais Steafain • An Eilreig • Ervie • A' Ghlac • Na Lochain • Lios Uillt • Am Magh Crom • Am Monadh Rèidh • Port Neasaig • Port Phàdraig • Port Rosnait • Poll an Iùbhair • Sandhead • Soirbidh • An t-Sròn Reamhar • Whauphill • Whithorn

[1] Arcgis

[2] Scotland's Census Result OnLine

[3] Post Code Maps

[4] Port na Sròine Reamhaire

[5] “Stranraer/An t-Sròn Reamhar”. Ainmean-Àite na h-Alba. Air a thogail 18mh dhen Dùbhlachd 2017.

[6] Falling rain

[7] Distance from - to

[8] A' Chomhairle

[9] Studies in the Topography of Galloway, Sir Herbert Eustice Maxwell of Monreith, Constable, Dùn Èideann, 1887

[10] Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147

[11] The Brittonic Language in the Old North

[12] Roman Britain

[13] Old Roads of Scotland

[14] NRS

[15] “My Community Council: Stranraer, Ochtrelure and Belmont”. Comhairle Dhùn Phris agus Gall-Ghaidhealaibh. Air a thogail 15mh dhen Dàmhair 2023.

[16] LGBC

[17] Climate Data

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]