Na Lochain

Na Lochain

Suidheachadh

Dùthaich	Alba
Comhairle	Dùn Phris is Gall-Ghaidhealaibh
Siorrachd	Siorrachd Bhaile na h-Ùige
Parraist	Eaglais m'Èataine^[1]
Co-chomharran	54° 86′ 69″ Tuath 04° 13′ 76″ Iar
Feartan fiosaigeach
Àireamh fòn	01776
Còd-puist	DG9^[2]

‘S e baile beag dùthchasail faisg air An t-Sròn Reamhar, air an àirde an iar-dheas na h-Alba a th' anns Na Lochain (Beurla/Beurla Ghallta: Lochans). Tha e suidhichte 26m os cionn ìre na mara ann an cridhe nan Rannaibh, ri taobh an Uillt Piltanton,^[3] eadar Port Phàdraig agus Dùn Reichit, air an àirde an iar Dhùin Phris is Gall-Ghaidhealaibh (Siorrachd Bhaile na h-Ùige ro 1975). Tha e 312km air falbh bho Obar Dheathain, 121km bho Ghlaschu, 93km bho Dhùn Phris agus 167km bho Dhùn Èideann, prìomh-bhaile na dùthcha.^[4] 'S e Beurla agus Beurla Ghallta a th' aig a’ mhòr-chuid dhiubh anns Na Lochain. Tha Eaconomaidh a' bhaile gu math crochte air àiteachas agus turasachd. Taobh fhoghlaim, chan eil sgoil ann agus le sin feumar a dhol dhan bhun-sgoil agus dhan àrd-sgoil anns An t-Sròin Reamhair.^[5]

Freumhan an Ainm

A rèir eòlaichean fhreumh-fhaclachd, tha e coltach gur ann à loch anns a' Ghàidhlig fhèin a tha an t-ainm.^[6] Nochd a' Ghàidhlig ann an ceann a deas na h-Alba anns an 7mh Linn agus bha an cànan fhathast làidir ann an Siorrachd Bhaile na h-Ùige fhèin anns an 18mh Linn.^[7] A bharrachd air sin, tha cruth na tìre a' toirt cuideam dhan teòiridh seo, o chionn 's' gu bheil loch neo dhà ri gach taobh a' bhaile.

Eachdraidh

Poileataigs

'S ann gu Comhairle Choimhearsnachd nan Lochan fhèin a bhuineas Na Lochain, a ghabhas a-steach an sgìre mu timcheall a' bhaile. Tha dìreach 412 duine a' fuireach san sgìre air fad.^[8] Tha seachdnar comhairlichean coimhearsnachd a' riochdachadh na sgìre. Tha e a' buntainn dhan uàrd-taghaidh 01 (An t-Sròn Reamhar agus na Rannaibh) airson Comhairle na Roinne.^[9]

	Ainm	Bhòtaichean
Gun phàrtaidh	Willie Scobie	1,925
Tòraidheach	Andrew Giusti	1,703
Nàiseantaich	Ros Surtees	765
Làbaraich	Tommy Sloan	312

Gnàth-shìde

'S ann ann an sgìre mòran nas blàithe (Cuibheasachd bhliadhnail: 8.5 °C) agus mòran nas fhliche (Cuibheasachd bhliadhnail: 1095mm) an coimeas ris an còrr dhen dùthaich 's a tha Na Lochain. Tha sileadh trom ann, fiù 's fad na mìosan nas tioraim, leis nach eil e idir fad air falbh bhon mhuir air an àirde an iar na h-Alba. 'S e àite Cfb ann an sgèile Köppen-Geiger a th' anns na Lochain.^[10] Chan eil an t-sneachd idir pailt an seo. Tha diofar mhòr eadar am mìos as fhliche agus am mìos as tioraim: 58mm eadar an Cèitean (dìreach 62mm) agus an Dàmhair (120mm). Fad na bliadhna, bidh an teothachd ann am fiaradh mheadhanach: 11.5 °C.

Còmhdhail

Chan eil seirbheis rèile ann. A dh'aindeoin sin, tha dà sheirbheis bhus a' frithealadh a' bhaile:

407 An t-Sròn Reamhar - Eaglais Steafain - An Druim Mòr.
411 An t-Sròn Reamhar - Cnoc – Port Phàdraig.^[11]

Iomraidhean

Bailtean ann an Siorrachd Bhaile na h-Ùige

Achadh na Meilge • Àrd Bhaile • Baile Gheàrr Lios • Baile na h-Ùige • Baile Ùr Ghlinn Lus • Baile Ùr nan Stiùbhartach • Barrachan • Blaidneach • Càrn Rìoghain • Cille Chainneir • Cill Choluim • Cill Chomhghain • Cill na Tràghad • Clachan Ghlinn Lus • Damnaglaur • An Druim Mòr • Dùn Reichit • Eaglais Steafain • An Eilreig • Ervie • A' Ghlac • Na Lochain • Lios Uillt • Am Magh Crom • Am Monadh Rèidh • Port Neasaig • Port Phàdraig • Port Rosnait • Poll an Iùbhair • Sandhead • Soirbidh • An t-Sròn Reamhar • Whauphill • Whithorn

[1] Arcgis

[2] Post Code Maps

[3] Scottish Places

[4] Distance from - to

[5] Stranraer Academy

[6] The Placenmes of Scotland, James B. Johnston, Dùn Èideann 1892

[7] Transactions and Journal of Proceedings of the Dumfriesshire and Galloway Natural History and Antiquarian Society. Third Series. Volume XI: 147

[8] A' Chomhairle

[9] LGBC

[10] Climate Data

[11] Còmhdhail na Comhairle

[1]

[2]

[3]

[4]

[5]

[6]

[7]

[8]

[9]

[10]

[11]