Mocoa

Mocoa


Bratach a' bhaile	Gearradh-arm no Seula

Mapa a' bhaile

Sealladh air a' bhaile

Suidheachadh

Dùthaich

Coloimbia

Roinn

Putumayo

Àirde

721m

Co-chomharran

01º 08' 56' Tuath
76º 38' 52' Iar

Feartan fiosaigeach

Farsaingeachd

1,263 km²

Àireamh-shluaigh

35,755 (2005)

Dlùths

28.31/km²

Duilleag oifigeil

Comhairle a’ Bhaile

'S e prìomh-bhaile na roinne Putumayo, ann an Coloimbia,^[1] a th' ann am Mocoa. Tha e suidhichte air an àirde an iar-dheas na dùthcha 607km air falbh bho Bhogotá.^[2] Tha àirde meadhanach dhe 721m os cionn ìre na mara aige. ‘S e baile le gnàth-shìde theth a th’ ann le teodhachd meadhanach dhe 24.8˚ rè na bliadhna. Chaidh am baile a stèidheachadh ann an 1551. 'S e Mocoa an 128mh baile as motha na dùthcha.^[3]

Sluagh a' bhaile

Ged a tha 35,755 nan tàmh anns a' bhaile, chan eil ach 10,004 dhuibh a' fuireach anns na sgìrean dùthchasail am broinn crìochan a' bhaile.^[4] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[5] Air adhbharan trioblaidean poilitigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, 's e daoine geala a th' ann a' mhòr-chuid dhe na daoine ann an Mocoa (is mòran dhuibh mestizos). ‘S e Tùsanaich a th' ann an 18.3% agus tha 6.5% dhe dhaoine le freumhan ann an Afraga. 'S urrainn dhan 90.4% dhe na daoine ann am Mocoa leughadh agus sgrìobhadh. A tuilleadh air sin, tha fòn aig an taigh aig 32.6% dhe na dachannan.^[6]

Fèisean

Thathar a’ cumail am iomadach seòrsa dhe fhèis ann an Mocoa. Chithear fèilltean caitligeach, leis gur e dùthaich le mòr-chuid Chaitligeach a th' ann fhathast,^[7] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Iomraidhean

Ceanglaichean A-mach

An t-sìde ann an Mocoa

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga • Cartagena • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta • Sincelejo • Tunja • Valledupar • Villavicencio • Yopal

[1] Dùthchannan aig SMO

[2] Invias

[3] Bailtean as motha na dùthcha

[4] Figearan Oifis a' Chunntas-sluaigh

[5] Cololmbia Virtual

[6] Bileag fhiosrachaidh DANE

[7] Country Studies: Colombia

[1]

[2]

[3]

[4]

[5]

[6]

[7]