Mitú

Mitú


Bratach a' bhaile	Gearradh-arm no Seula

Mapa a' bhaile

Sealladh air a' bhaile

Suidheachadh

Dùthaich

Coloimbia

Roinn

Vaupés

Àirde

200m

Co-chomharran

01º 11' 54' Tuath
750 10' 24' Iar

Feartan fiosaigeach

Farsaingeachd

16,422 km²

Àireamh-shluaigh

28,382 (2005)

Dlùths

1.73/km²

Duilleag oifigeil

Comhairle a’ Bhaile

'S e baile beag ann an Vaupés, Coloimbia,^[1] a th' ann am Mitú. Tha e suidhichte ann an ceann a deas na dùthcha, 660km air falbh bho Bhogotá faisg air na coilltean-uisge anns an Amazon. Tha àirde meadhanach dhe 200m os cionn ìre na mara aige. 'S e baile le gnàth-shìde theth a th' ann le teodhachd meadhanach dhe 27˚, rè na bliadhna. Chaidh am baile a stèidheachadh ann an 1935.

Freumhan an Ainm

'S e ainm Tùsanach a th'ann Mitú. Tha am facal a' ciallachadh Paujil^[2] (seòrsa dhe eun) ann an Yeral, cànan Tupi-Guaranaidh a tha ga bhruidhinn anns an sgìre.^[3]

Sluagh a' bhaile

Ged a tha 28,382 nan tàmh anns a' bhaile, tha a’ mhòr-chuid dhuibh, 15,361, a' fuireach anns na sgìrean dùthchasail am broinn crìochan a' bhaile.^[4] Tha fearrann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[5] Air adhbharan trioblaidean poiliteagach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail. Le sin ‘ s e pàtran àireimh-shluaigh a th’ann fhathast ann am Mitú.

Taobh chinnidh, 's e Tùsanaich a th'ann a' mhòr-chuid dhe na daoine ann an Mitú. ‘S e Tùsanaich a th’ann an 64.4%, daoine geala agus mestizos a th’ann an 33.9% agus tha 1.7% dhe daoine le freumhan ann an Afraga. 'S urrainn dhan 74.5% dhe na daoine ann an Mitú leughadh agus sgrìobhadh. A tuilleadh air sin, tha fòn aig an taigh aig 20.4% dhe na dachannan.^[6]

Fèisean

Thathar a’ cumail am iomadach seòrsa dhe fhèis ann an Mitú. Chithear fèilltean caitligeach, leis gur e dùthaich le mòr-chuid chaitligeach a th’ann fhathast,^[7] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

Fèis an Neo-eisimeileachd: 20mh An t-Iuchar.

Iomraidhean

Ceanglaichean A-mach

An t-sìde ann an Mitú

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga • Cartagena • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta • Sincelejo • Tunja • Valledupar • Villavicencio • Yopal

Tha dealbhan ann an Wikimedia Commons cuideachd a tha ceangailte ris an aiste seo:

Mitú

[1] Dùthchannan aig SMO

[2] Leabharlann Luis Angel Arango

[3] Fiosrachadh a' Chomhairle^{[dead link]}

[4] Figearan Oifis a' Chunntas-sluaigh

[5] Cololmbia Virtual

[6] Bileag fhiosrachaidh DANE

[7] Country Studies: Colombia

[1]

[2]

[3]

[4]

[5]

[6]

[7]