'S e Gleann air Gàidhealtachd na h-Alba a th' ann an Gleann Afraig. Tha e mu 31km de dh'fhaid agus tha e na shìneadh bhon ear dhan iar eadar Canaich agus Cam Bàn ann an Cinn Tàile. Tha Loch Afraig anns a' ghleann agus tha Abhainn Afraig a' sruthadh ann.

Gleann Afraig an iar, Mullach Fraoch-choire, A' Chiste Dhubh agus Beinn Fhada
Gleann Afraig an iar agus Beinn Fhada

'S e gleann ainmeil a th' ann airson a cuid bòidhchid, agus thèid mòran daoine a choiseachd ann. Dh'fhaodadh coiseachd tron ghleann air fad air Slighe Gleann Afraig - Cinn Tàile air neo tha cothroman ann Beanntan Rothaich a shreap, mar eisimpleir Toll Creagach, Tom a' Chòinnich, Càrn Eige, Màm Sodhail, An Socach agus Sgùrr nan Ceathramhnan.

Tha ostail òigridh iomallach anns a' ghleann agus chan fhaighear thuige ach air cois no air an rothair. Tha bothan aig Cam Bàn.

Sealbh deasaich

'S ann le Oighreachd Gleann Afraig[1] a tha taobh an ear a' ghlinne, agus 's e Tèarmann Nàdair a th' ann. Tha cùram aig Coimisean na Coilltearachd air a' phàirt seo[2]. 'S ann le Urras Nàiseanta na h-Alba[3] a tha taobh an iar a' ghlinne, agus tha am pàirt seo cuideachd na Sgìre Nàiseanta de Bhòidhchead Shònraichte. Gu traidiseanta 's e talamh Clann Shiosalach a th' ann, agus bhrosnaich sin am fìdhlear ainmeil Duncan Chisholm gus clàr fhoillseachadh leis an ainm Affric[4] air a bheil e a' toirt iomradh air feartan a' ghlinne na cheòl.

Iomraidhean deasaich

  1. Oighreachd Gleann Afraig
  2. Tèarmainn Nàdair na h-Alba: Gleann Afraig
  3. Urras Nàiseanta na h-Alba: Afraig an Iar
  4. Affric le Duncan Chisholm

Ceanglaichean a-mach deasaich