Loch Afraig
Co-chomharran: 57°15′14″N 5°03′23″E / 57.253963°N --5.056508°E
'S e loch ann an Alba a tha ann an Loch Afraig [1] neo Loch Afraic[2] (Beurla: Loch Affric). Tha e suidhichte air a' Ghàidhealtachd ann an Gleann Afraig. Tha e mu 16 cilemeatairean san iar dheas air Canaich agus chan fhaighear an seo ach air slighe bhig.
Tha an loch mu 5 cilemeatairean (3.1 mìle) a dh'fhad agus mu 500 meatair a leud. Mar sin tha cruth an locha a' sealltainn gun deach an loch a chruthachadh le eigh-shruth anns an linn-deighe. Tha e cho mòr ri 12.13 km² le 6.06 km³ de thomhas-lìonaidh uisge. 'S e 29 meatair (94 troigh) am meadhan doimhneachd aige le 67.4 meatair (221.1 troigh) aig an àite as doimhne. Tha bàrr uisge an locha mu 235 meatair (771 troigh) os cionn na mara. Thèid an t-uisge a-steach bho Abhainn Afraig san iar agus sruthaidh an t-uisge a-mach à Loch Afraig chun an ear gu Loch Beinn a' Mheadhoin.
Tha tòrr bheanntan timcheall air an loch, tha Sgùrr na Lapaich (1074 m) agus an Tudair (1036 m) san àird a tuath, agus sa deas tha Aonach Shasuinn (888 m) is Càrn a' Choire Ghairbh (865 m).
