A' Chiste Dhubh
Co-chomharran: 57°10′48″N 5°20′11″W / 57.18°N 5.3363°W
’S e beinn ann an Cinn Tàile air a’ Ghàidhealtachd a th’ anns a' Chiste Dhuibh. Tha e 979m de dh’àirde agus ’s Beinn Rothaich a th' ann. Tha e suidhichte eadar Loch Cluanaidh agus Gleann Afraig air taobh tuath Gleann Seile. Tha beinn eile ann an Cinn Tàile, Sgùrr na Ciste Duibhe, agus feumar a bhith faiceallach nach bithear troimh-chèile eadar an dà bheinn.
| A' Chiste Dhubh | |
|---|---|
 A' Chiste Dhubh bhon Bathach, 3km san àird a deas. | |
| Àirde (m) | 979 |
| Àirde rinneach (m) | 388 |
| air liosta | Beinn Rothaich |
| Suidheachadh | |
| Suidheachadh | Cinn Tàile |
| Mapa cumadh-tìre | Landranger 33 Explorer 414 |
| Comharradh-clèithe | NH062166 |
'S e a' Bheinn Rothaich iomallach a th' ann agus tha e nas fhaide ear na Còig Peathraichean Chinn Tàile agus Druim nam Bràithrean. 'S e an dòigh as cumanta a bhith ga shreap bho Chluainidh tron Chaorainn Bheag agus Bealach a' Chòinnich. 'S fhiach cuideachd dol thairis air a' Bhathach, beinn nas lugha le druim fada feurach[1] Dh'fhaodadh dèanamh air a' mhullach cuideachd bho Ghleann Afraig.
Bhon mhullach gheibhear seallaidhean air beanntan Chinn Tàile, Gleann Seile agus Gleann Afraig.
