Gleann Canaich

'S e gleann mòr air a' Ghàidhealtachd a tha ann an Gleann Canaich. Tha e mu 18 mìle (29 km) a dh’fhaid eadar cladach siarach Loch an Droma sa cheann an iar agus am baile Canaich sa cheann an ear. Tha Abhainn Canaich a' sruthadh tron ghleann.

Gleann Canaich eadar Loch Carrie agus Loch Mullardoch

Beanntan

Tha iomadh beinn suidhichte ri taobh Ghleann Canaich:

Air an taobh dheis m.e.:

• Càrn na Breabaig
• Meall Shuas
• An Socach
• An Riabhachan
• Càrn nan Gobhar
• Creag Dubh
• Sgorr na Dìollaid

Air an taobh thuath m.e.:

• Sgùrr na h-Eige
• Mullach na Dheiragain
• Beinn Fhionnlaidh
• Tom a' Chòinnich
• Toll Creagach

Lochan

Tha còig lochan suidhichte air cois Ghleann Canaich: Loch Mullardoch, Loch a' Bhàna, Loch Sealbhanach, Loch Carrie agus Loch Craskie.

Tha uisge lochan eile a' sruthadh don abhainn Canaich cuideachd:

Faisg air Loch Mullardoch:

• Loch an Droma
• Loch an Fhraoich-choire
• Loch Toll na Feurstaig
• Loch a' Choire Bhig
• Loch Tuill Bhearnach
• Loch a' Choire Dhomhain
• Coire Lochan
• Loch Coire nan Dearcag
• An Gorm Lochan

Faisg air Loch Craskie:

• Loch Coir' an Uillt Ghiubhais
• Loch Càrn na Tòiteil
• Lochan a' Mhill Dhuibh

Tha breac-donn a' fuireach ann an Abhainn Canaich agus a lochan.

Cultar

Gu traidiseanta 's e talamh Chlann Siosalach a th' ann an Gleann Canaich, agus dh'fhoillsich Duncan Chisholm clàr ann an 2010 leis an ainm Canaich anns a bheil e a' toirt an luchd-èisteachd air cuairt tron ghleann bho Chanaich gu Loch Mullardoch agus seachad air baile Chraskie.. Seo an dàrna clàr san t-sreath Srath Farair aige.

Ceanglaichean a-mach

• Gazetteer for Scotland Fios agus mapaichean(Beurla)
• Gleann Canaich Fios agus dealbhan (Beurla)

Faic cuideachd

• Neart nan Gleann

Lochan ann an Gleann Canaich

Loch Mullardoch • Loch a' Bhàna • Loch Sealbhanach • Loch Carrie • Loch Craskie