Cair Chaladain agus Cowdenbeath (sgìre Phàrlamaid Westminster)

'S e sgìre Phàrlamaid Westminster a tha ann an Cair Chaladain agus Cowdenbeath (Beurla: Kirkcaldy and Cowdenbeath). Dh'ainmicheadh i air Cair Chaladain agus Cowdenbeath, bailtean ann am Fìobha.

Cair Chaladain agus Cowdenbeath
Dùthaich Alba
Pàrlamaid Westminster
Ball Neale Hanvey BP
Pàrtaidh Pàrtaidh Alba
Luchd-bhòtaidh 72,853
Àireamh-bhòtaidh 47,025
Mòr-chuid 1,243[1]

Chaidh a cruthachadh ann an 2005 bhon sgìre Cair Chaladain agus pàirtean de Dhùn Phàrlain an Ear. Bha Gordon Brown na BhP airson Dùn Phàrlain an Ear ro 2005.

Tha An t-Eilean Loisgte, Bàgh Dhealgadaidh, Cailtidh, Loch Geallaidh, Lann Fhìonain agus Dìseart cuideachd anns an sgìre seo.[2] Tha i ann an crìch ri Dùn Phàrlain agus Fìobh an Iar, Gleann Rathais agus Ochail agus Siorrachd Pheairt a Deas.

Connspaid deasaich

Ann an 2019, chaidh an tagraiche SNP, Neale Hanvey, a chur à rèim rè ùine is am pàrtaidh a' rannsachadh rudan a sgrìobh e air Facebook is iad a' cleachdadh tròpaichean gràin an aghaidh Iùdhach. Bha e na shuidh mar bhall pàrlamaid neo-eisimeileach[3] ach an dèidh dha a thilleadh gu SNP chaidh e agus Coinneach MacAsgaill sa' Phàrtaidh Alba anns a' Mhàirt 2021.[4]


Buill Pàrlamaid deasaich

Taghadh Ball Pàrtaidh Mòr-chuid Àireamh-bhòtaidh
2019 Neale Hanvey Pàrtaidh Nàiseanta na h-Alba ro 2021, Pàrtaidh Alba 1243 47025
2017[1] Lesley Laird Pàrtaidh Làbarach na h-Alba 259 46283
2015[5] Roger Mullin Pàrtaidh Nàiseanta na h-Alba 9974 52892
2010 Gordon Brown Pàrtaidh Làbarach na h-Alba
2005 Gordon Brown Pàrtaidh Làbarach na h-Alba

Iomraidhean deasaich

  1. 1.0 1.1 Kirkcaldy & Cowdenbeath(Beurla). BBC. Air a thogail 20mh dhen Dùbhlachd 2019.
  2. fifedirect: Sgìrean Phàrlamaid na Rìoghachd Aonaichte (Beurla)
  3. Buaidh dha na Nàiseantaich na h-Alba”, Naidheachdan a' BhBC. 13mh dhen Dùbhlachd 2019. Air a thogail 20mh dhen Dùbhlachd 2019. 
  4. Naidheachdan 11:00m”, Naidheachdan a' BhBC. 29mh dhen Mhàrt 2021. Air a thogail 6mh dhen Chèitean 2021. 
  5. Kirkcaldy & Cowdenbeath”. BBC. Air a thogail 15mh dhen Ògmhios 2017.