Fosgail am prìomh chlàr-taice

Is e Raibeart Burns (Allmhaigh, 25 am Faoilleach 1759 - Dùn Phris, 21 an t-Iuchar 1796), no Rabbie Burns anns a' Bheurla Ghallda, bàrd Albannach anabarrach mòr-chòrdte, agus bàrd nàiseanta na h-Alba. Sgrìobh Burns a' chuid as motha de'n bhàrdachd aige ann am Beurla Gallda. Rugadh e ann an Allmhaigh, ann an Siorrachd Àir. Bha e na mhac coiteir, agus aon de seachdnar cloinne. Thogadh Burns ann am bochdainn agus fhuair e a theachd-an-tìr mar treabhaiche, obair gu math cruaidh a chur ris a' bhàs tràth aige (le tinneas-cridhe loidhnicheadh) ann an 1796.

Raibeart Burns
Robert Burns 1.jpg
Beatha
Breith Allmhaigh, 25 dhen Fhaoilleach 1759
Dùthaich  Alba
Cinneadh Albannach
Bàs Dùn Phris, 21 dhen Iuchar 1796
Àite-adhlacaidh St Michael's Church, Dumfries
Nàdar a’ bhàis  (congenital heart disease)
Teaghlach
Cèile Jean Armour
Clann
Foghlam
Cànain A' Bheurla Ghallda
Beurla
Dreuchd
Dreuchd sgrìobhaiche òran, bàrd, sgrìobhadair, eòlaiche-ciùil agus tuathanach
Obraichean comharraichte Auld Lang Syne
To a Mouse
Is There for Honest Poverty
Ae fond kiss, and then we sever...
Brosnachadh Bhruis
Tam o' Shanter
Halloween
The Battle of Sherramuir
Gluasad romantaigeachd
Gnè ealain rann
bàrdachd-aithris
òran
bailead
cantata
www.robertburns.org/
Robert Burns Signature.svg

Am measg na bàrdachd agus nan òran as ainmeile aige, gheibhear òrain gaoil (Green Grow the Rashes O' , Ye Banks and Braes), dàin aithriseach (Tam O'Shanter, a sgrìobh e ann an Dùn Sgoir), òrain nàiseantach (Brosnachadh Bhruis (Scots Wha Hae)), òrain sòisealach (A Man's a Man for A That), dàin a bheir iomradh air a bheatha air an dùthaich (To a Mouse), agus òran eadar-nàiseanta na bliadhna ùire, An Tìm a bh' ann o chian (Auld Lang Syne). Air sgàth na bàrdachd sòisealaich aige, tha e na ghaisgeach do mhòran dhaoine air feadh an t-saoghail. Bha Burns gu math deidheil air cuideachd nam boireannach agus bha iomadh companach as pòsadh agus leanabh dìolain aige. An diugh, bithidh Albannaich a' moladh a chuimhne gach Faoilteach 25mh aig suipearan Burns. Tha ìomhaighean air togail an urram dha air feadh an t-saoghail (mar eisimpleir, ann an San Francisco, New York, agus Vancouver). Sheinneadh an t-òran A Man's a Man aig fuasgladh na Pàrlamaid Albannach ann an 1999.

Sgrìobh Burns an dàn ainmeil The Deil's awa' wi' the Exciseman (Gàidhlig: Tha an diabhal air falbh leis a' ghàidsear) an Inbhir Anainn ann an 1792, nuair a bha esan fhèin na ghàidsear.[1]

IomraidheanDeasaich