Guðmundur Steingrímsson
'S e ceòladair, neach-aithris, sgrìobhadair, riochdaire dioplòmasach agus neach-poileataigs à Innis Tìle a th' ann an Guðmundur Steingrímsson.[1] Rugadh e air 27 an Dàmhair 1972 ann an Reykjavík.[2] 'S ann gu teaghlach beartach agus cumhachdail 's a bhuinneas e: bha athair (Steingrímur Hermannsson) agus a sheanair (Hermann Jónasson) nam fhorsætisráðherra (Gàidhlig: prìomh-mhinistearan) roimhe. Fhuair e a chuid foghlaim sgoile aig Menntaskólinn í Reykjavík, far an robh e na cheann-suidhe a' chomainn-oileanaich Framtíðin.[3] An dèidh na sgoile thug e ceum ann am feallsanachd agus Innis-Tìlis bho Oilthigh Innis Tìle, agus an uair sin chaidh e thall thairis gu Oilthigh Uppsala, Oilthigh Caitligeach Leuven agus Oilthigh Oxford.[4] Chaidh a thaghadh dhan Alþingi airson a' chiad turais ann an 2009 airson Framsóknarflokkurinn (Gàidhlig: Am Pàrtaidh Adhartach), ach dh'fhàg e pàrtaidh a theaghlaich agus ghabh e ri Björt framtíð (Gàidhlig: Teachd Soilleir), pàrtaidh ùr a stèidhich e fhèin còmhla ri Róbert Marshall agus cuid a dhaoine à Besti flokkurinn (Gàidhlig: Am Pàrtaidh as Fhèarr).[5] Cha do ghabh e pàirt anns na taghaidhean nàiseanta ann an 2016.[6] Tha e air a bhith pòsta dà thuras: aig a' pheantair Marta María Jónsdóttir agus aig an actair Alexía Björg Jóhannesdóttir, ach dhealaich e bhuapsa. Tha triùir chloinne aige. Bho 1992 tha e air a bhith a sàs anns na còmhlain-ciùl Skárren ekkert agus Ske, a cho-stèidhich e. Mar neach-naidheachd, tha e air a bhith ag obair airson a' phàipear-naidheachd Fréttablaðið agus sianal telebhisein air a bheil Sirkus bho 2003.[7] A bharrachd, bho 2013 tha e air a bhith na bhall na bhuidheann riochdachadh Innise Tìle gu Seanadh Pàrlamaideach OSCE, far a thug e a chuid thaic gu gluasad a bhrosnaicheadh co-obrachadh eadar an OSCE PA agus an OSCE fhèin.[8]
| Guðmundur Steingrímsson | |||||||||
|---|---|---|---|---|---|---|---|---|---|
.jpg) | |||||||||
25 dhen Ghiblean 2009 - 22 dhen Lùnastal 2011 Sgìre: Iar-thuath Taghadh: Taghadh Pàrlamaideach Innise Tìle 2009
22 dhen Lùnastal 2011 - 27 dhen Ghiblean 2013 Sgìre: Iar-thuath
27 dhen Ghiblean 2013 - 29 dhen Dàmhair 2016 Sgìre: Iar-dheas Taghadh: Taghadh Pàrlamaideach Innise Tìle 2013 | |||||||||
| Beatha | |||||||||
| Breith | Reykjavík, 28 dhen Dàmhair 1972 | ||||||||
| Dùthaich |
 Innis Tìle | ||||||||
| Teaghlach | |||||||||
| Athair | Steingrímur Hermannsson | ||||||||
| Foghlam | |||||||||
| Foghlam |
Oilthigh Oxford Oilthigh Caitligeach Leuven Oilthigh Uppsala Oilthigh Innis Tìle | ||||||||
| Cànain | Innis Tìlis | ||||||||
| Dreuchd | |||||||||
| Dreuchd | neach-poileataigs, neach-naidheachd agus neach-ciùil | ||||||||
| Creideamh | |||||||||
| Pàrtaidh poileataigeach | Björt framtíð | ||||||||
Leabhraichean
deasaich- Áhrif mín á mannkynssöguna (2003)[9]
- Heimsendir (2004)
- Svínið Pétur (2009)
Prògraman Telebhisein
deasaich- Kvöldþáttarin
- Seumst með Silviu Nótt