Ruadh Stac Mòr
'S e beinn ann an Achadh an Iasgair air a’ Ghàidhealtachd a th’ ann an Ruadh Stac Mòr. Tha e suidhichte ann an àite glè iomallach eadar Dùn Dòmhnaill agus Loch Ma-ruibhe air taobh an iar de Ghleann na Muice. Tha e 918m de dh'àirde, agus 's e Beinn Rothaich a th' ann.
| Ruadh Stac Mòr | |
|---|---|
 Ruadh Stac Mòr bhon Mhaighdinn | |
| Àirde (m) | 918 |
| Àirde (tr) | 3,011 |
| air liosta | Beinn Rothaich |
| Suidheachadh | |
  Ruadh Stac Mòr (Alba) | |
| Suidheachadh | Achadh an Iasgair |
| Mapa cumadh-tìre | Landranger 19 Explorer 435 |
| Comharradh-clèithe | NH01847566 |
Mar as trice bithear ga streap bhon bhothan aig Seanbhail, far am bi a' mhòr-chuid de dhaoine a' cur seachad na h-oidhche roimhe agus às dèidh. Dh'fhaodadh a streap bho Ghleann na Muice Beag agus a dhìreadh bhon ear-thuath air neo dol timcheall air a' bheinn an toiseach agus dìreadh bhon iar-dheas. Dh'fhaodadh a cheangal leis a' Mhaighdinn. Dh'fhaodadh a ceangal fiù 's leis na beanntan air taobh eile a' ghlinne, Mullach Coire Mhic Fhearchair, Sgùrr Bàn agus Beinn a' Chlaidheimh, agus canar The Fisherfield Six ris a' chuairt fhada seo[1].
Bhon mhullach gheibhear seallaidhean air leth air Achadh an Iasgair, Slioch, Loch Ma Ruibhe, Fionn Loch, Loch Iù, An Teallach agus Na Fanaichean.
