Mill a h-Uile Rud

'S e còmhlan-ciùil punc à Seattle, ann an Aimearaga, a th' ann am Mill a h-Uile Rud a chaidh air bhog ann an 2003. Tha triùir anns a’ chòmhlan; Tim Armstrong (guth agus giotàr), Sgrios (guth agus giotàr beus) agus Sìne (na drumaichean). Rugadh màthair Shìne ann am Beinn na Faoghla ach bha Sìne fhèin air a togail eadar a' Ghalltachd agus na Stàitean Aonaichte. Thòisich Sìne agus Tim ag ionnsachadh na Gàidhlig nuair a bha iad a’ fuireach ann an Dùn Èideann agus às dèidh dhaibh tachairt ri puncairean Gàidhlig eile mar Ruairidh à Oi Polloi.

Ceòl ùr na Gàidhlig, Mill a h-Uile Rud beò sa Bheilg, an Giblean 2005

Òrain

Tha na h-òrain aca mu dheidhinn feise mar as trice, gu math coltach, ann an dòigh, ris a’ bhàrdachd aig Alasdair Mac Mhaighstir Alasdair, Iain Lom agus a leithid. Dh'fhoillsich iad CD, Ceàrr, ann an 2004 agus tha òrain aca air dà chlàr cruinneachaidh le Oi Polloi, Nad Aislingean agus Atomgevitter. Tha na òrain aca air fad 'sa Ghàidhlig.

Tha iad dubh an aghaidh mòran dhen phunc “Cheilteach” a tha, nam beachd-san, a’ reic droch ìomhaigh dhe na Gàidheil mar mhisgearan gòrach. Cuideachd tha iad gu math làidir mu dheidhinn cleachdadh na Gàidhlig, chan ann anns na h-òrain a-mhàin, ach cuideachd air na CDan, air an làrach-lìn aca, air an àrd ùrlair agus am measg à chèile gu làitheil.

Le Ceàrr, rinn iad a' chiad CD a-riamh a bha uile de dh'òrain ùra Gàidhlig. (B' e Play Gaelic aig Runrig a' chiad CD ròc ann an Gàidhlig, ach bha grunn òran tradaiseanta am measg nan òran ùra, agus b' e an clàr vinyl, Carson?, aig Oi Polloi a' chiad clàr punc uile gu lèir ann an Gàidhlig. B' e Ar Ceòl, Ar Cànan, Ar-A-Mach aig Oi Polloi a' chiad CD a bha uile de dh'òrain ùra Gàidhlig agus e cuideachd de dh'fhaide LP.) Cuideachd, rinn iad a' chiad làrach-lìn còmhlain a-riamh a bha ann an Gàidhlig a-mhàin.

Turasan

Chaidh iad air turasan air feadh nan Stàitean Aonaichte agus cuideachd ann an Alba agus anns an Roinn Eòrpa. Chluich iad ann an Steòrnabhagh, Dùn Èideann agus Glaschu. Chluich iad cuirm-chiùil bheò air Rapal air BBC Radio nan Gàidheal agus bha prògram mu an deidhinn air a sgaoileadh anns an t-sreath, Ealtainn.

Clàran

• 2004: Ceàrr (Clàran Droch-Shùil)
• 2005: Ceòl Gàidhlig mar Sgian nad Amhaich ("Steòrnabhagh"; aon òran air clàr-cruinneachaidh)
• 2006: Gàidhlig na Lasair ("Steòrnabhagh, Òran Sabaid Sabhal Mòr Ostaig agus Crath do Thòn"; trì òrain air CD-cruinneachaidh)

Cuirmean

Cuin	Club	Càite	Cò leis
06-12-2003	The Firebreathing Kangaroo	Seattle	Wolves in the Throne Room
26-12-3004	Massonic Hall	Port Townsend	Boxcutter Hobo
20-02-2004	Dirty Feet	Seattle	?
21-02-2004	The Love Pit	Portland	Chased and Smashed
22-02-2004	Liberty Hall	Portland	Skeleton Coast, Tex Fritter
23-02-2004	House of Terror	Oakland	This Is My Fist!,Wendy-O-Matik, Deathbyexess
24-02-2004	The Compound	Santa Cruz	The Sourmash Hug Band
27-02-2004	The Hole in the Wall	San Francisco	gun chòmhlan-taic
28-02-2004	LA Arts and Action	Los Angeles	Coccion (Mexico), Sin Remèdio
03-03-2004	Star Shoes	Hollywood	?
20-05-2004	Voyeur	Olympia	The Sourmash Hug Band
22-05-2004	Boiler Room	Port Townsend	The Sourmash Hug Band
25-05-2004	2nd Ave. Pizza	Seattle	FIYA, The Sourmash Hug Band
11-07-2004	The Firebreathing Kangaroo	Seattle	Pharmacy, Cabaret Con Carne, Pipsqueak, Government Issue Orchestra, Ghostmice
13-07-2004	Flamingo Flat	Seattle	Her Toxic Map, Shoplifting, The Umbrellas
23-07-2004	The High Street House	Bellingham	Gorest
27-07-2004	Villa Kulla	Seattle	The Sacred Truths
01-08-2004	The Fire-breathing Kangaroo	Seattle	Rotten Living, Snuggle, John Denver's Airplane
21-08-2004	The Uptown Festival	Port Townsend	?
17-03-2005	An Talla Mòr	An t-Eilean Sgitheanach	gun chòmhlan-taic
18-03-2005	Mercat Bar	Dùn Èideann	Bikini Radio, Atomgevitter
22-03-2005	Rapal	Steòrnabhagh	gun chòmhlan-taic
22-03-2005	Golf Club	Steòrnabhagh	Dry Eyballs, Dragging the Lake
01-04-2005	Eurodusnie	Leiden	Iedereen Zóôò Jotje, Urban Blight, Spam, Oi Polloi
01-04-2005	Africa	Amsterdam	Oi Polloi, Holland Beton Groep, Harakiri Maxima, Jmonfoux
02-04-2005	De Storing	Utrecht	Oi Polloi
02-04-2005	Autonomes Zentrum Bahndamm	Wermelskirchen	Oi Polloi, Estrella Negra
03-04-2005	Juicy Bar	Düsseldorf	Oi Polloi, Estrella Negra
04-04-2005	Tabulos	Neubrandenburg	Oi Polloi
05-04-2005	Wagenburg	Wrocław	Oi Polloi
06-04-2005	Kombi	Nunchritz	Oi Polloi
07-04-2005	Hafenklang	Hamburg	Oi Polloi
08-04-2005	Autonomes Jugend Zentrum	Leverkusen	Oi Polloi
09-04-2005	Squattus Dei	Leuven	Oi Polloi, Comatose
11-04-2005	13th Note	Glaschu	Atomgevitter
19-06-2005	The Fire-breathing Kangaroo	Seattle	Snuggle, Drunken Boat
10-07-2005	Legion Hall	Port Townsend	Latterman, Karate for Kids
05-08-2005	Puget House	Olympia	Black Night Songbook

Ceanglaichean a-muigh

• aiste air punc Gàidhlig anns The Scotsman
• aiste air Mill a h-Uile Rud anns The Scotsman
• 2mh aiste air Mill a h-Uile Rud anns The Scotsman
• 3mh aiste air Mill a h-Uile Rud anns The Scotsman
• 4mh aiste air Mill a h-Uile Rud anns The Scotsman