Uclés

Uclés Gearradh-arm no Seula
Suidheachadh
Dùthaich	An Spàinn
Ceàrn	Cuenca
Sgìre	Castilla-La Mancha
Co-chomharran	39° 58' 54 Tuath 02° 51' 44 Ear
Feartan fiosaigeach
Farsaingeachd	64.61 km²
Àireamh-shluaigh	212 (2020)
Dlùths	3.28/km²
Àireamh fòn	+ 00 969
Duilleag oifigeil	http://ucles.es/

'S e baile beag faisg air Tarancón, ann cridhe na Spàinne, suidhichte aig 863m os cionn ìre na mara, 's a th' ann an Uclés. Tha am baile rim faotainn ri taobh na h-Aibhne Bedija. 'S ann ann an roinn Cuenca, ann an Castilla-La Mancha a tha e. Chan eil ach 212 daoine a’ fuireach anns a' bhaile an latha an-diugh.

Freumhan an Ainm

Chan ann soilleir 's a tha freumh-fhaclachd an ainm Uclés. Tha cuid dhen bheachd gur ann às an treubh Ibèireach na Olcades, a stèidich baile san sgìre air an robh Hokulacum. A dh'aindeoin sin, tha cuid eile a' ràdh gur ann à 'Ocilis air neo 'Oculis, allt beag a shruthas dhan Abhainn Bedija 's a th'ann. Chanadh Uqlīsh (أقليش) air aig àm nan Arabach.

Eachdraidh

'S ann ainmeil san Spàinn 's a tha Uclés, leis gun do thachair dà chath cudromach an seo, fear anns na meadhan aoisean ach fear eile aig toiseach-tòisichidh na 19mh Linn. Ann an 1108 thug arm Ali ibn Yusuf ruaig air feachdan Crìostaidh. Ann an 1809, dh'fhulaing na Spàinntich call doirbh an aghaidh nam Fraingeach. Thug an Rìgh Alfonso VIII am baile do dh' Òrdugh nan Ridirean Santiago ann an 1174, a chum e gu ruige 1493. Chaidh Alonso de Ercilla y Zúñiga ainmeachadh na thighearna an seo. Chaidh am film Alatriste (2006) agus an sreath telebhisein Águila Roja (2016) fhilmadh an seo.

Àireamh-sluaigh

Mar iomadh sgìre dhùthaich a-staigh san tìr anns an Spàinn, tha dì-dhaoineachadh na thriobaid ann an Uclés. Bha 1,366 duine a' fuireach an ron Chogadh Sìobhalta.

Bliadhna	1857	1900	1950	2000	2020
Muinntir	1093	1030	1276	313	212

Daoine Ainmeil

• Pelayo Quintero Atauri (1867 - 1946): àrc-eòlaiche, peantair agus sgrìobhadair

Ceanglaichean A-mach

• Riaghaltas na Roinne
• Riaghaltas na Coimhearsnachd