Tubará

'S e baile meadhanach agus sgìre-riaghlaidh (Spàinntis: municipio) faisg air Baranoa ann an Atlántico, Coloimbia, a th’ ann an Tubará. Tha e suidhichte aig 203m os cionn ìre na mara agus 27km air falbh bho Bharranquilla, prìomh-bhaile na roinne. Tha teodhachd mheadhanach mu 26.5˚ aige. Chaidh am baile a stèidheachadh ann an 1553.

Tubará

municipality of Colombia

Neach bhon àite	Tubareño, Tubareña
Mòr-roinn	Aimearaga a Deas
Dùthaich	Coloimbia
Sgìre riaghaltais ionadail	Atlántico
Domhan-leud is -fhad	10°52′27″N 74°58′43″W
Làrach-lìn	http://www.tubara-atlantico.gov.co/index.shtml

Eachdraidh

'S e Tùsanaich Monacá a bha agus a tha a' fuireach anns an sgìre seo mus do ràinig na Spàinntich ann an 1533, le Perdo de Heredia os an cionn. Chan eil fios againne an latha an-diugh nan robh cànan Arawak no Carib a bha ga bruidhinn. Bha am manach Spàinnteach an Naomh Luis Beltrán a' fuireach an seo gu ruige 1565. Stèidheachadh tèarmann thùsanach an seo ann an 1661 a mhair gu ruige 1886 nuair a ghairmeadh nach robh Tùsanach no Tùsanach fhathast beò ann: reiceadh an sgìre air fad dhan raon phrìobhaideach air sàilleabh gu robh Peatrail ann. Chaidh tèarmann thùsanach a chur air dòigh a-rithist, eadar 1905 agus 1948. B' e cogadh sìobhalta eile a chur às dha.

Sluagh a' bhaile

Tha 6,091 duine nan tàmh anns a' bhaile fhèin, ach tha 10,915 uile gu lèir a' fuireach ann, a' gabhail a-steach na clachain thall anns na sgìrean dùthchasail am broinn crìochan a' bhaile. Tha fearann na dùthcha sin ga roinn eadar na bailtean (municipios) agus le sin tha gach clachan agus croit fo stiùireadh baile air choireigin. Air adhbharan trioblaidean poilitigeach air an dùthaich, tha a' mhòr-chuid neo mòran nan daoine anns gach uile baile a-nis a' fuireach anns nam bailtean fhèin, is na daoine a' fàgail na sgìrean dùthchasail. ‘S e pàtran-sluaigh gu math àbhaisteach a tha seo. Taobh chinnidh, ' s e Tùsanaich a th' ann a' mhòr-chuid nan daoine ann an Tubará, ach tha 0.5% dhe daoine le freumhan ann an Afraga agus 37.8% daoine geala/mestizos ann. 'S urrainn do 87% dhuibh leughadh agus sgrìobhadh. A thuilleadh air sin, chan eil fòn aig an taigh ach aig 5.6% nan dachaigh.

Fèisean

Thathar a’ cumail iomadh seòrsa fhèis ann an Tubará. Chithear fèilltean Caitligeach, leis gur e dùthaich le mòr-chuid Chaitligeach a th’ ann fhathast, fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Ceanglaichean a-muigh

• An t-sìde ann an Tubará