Pàrtaidh Spùinneadairean na RA

Pàrtaidh Spùinneadairean na RA

Fiosrachadh
Stèidheachadh	30 dhen Iuchar 2009^[1]
Beachd-Smuainealas An-Dràsda	Saoirse na cainnte, Prìobhaideachd Ath-leasachadh nan còraichean lethbhreac 's nam peutantan
Oifisean	Stèidhichte air an eadar-lìon
Cathraiche	Laurence Kaye
Suidheachain	Chan eil gin
Riaghaltas	Taobh a-muigh an Riaghaltais
Làrach-lìn	www.pirateparty.org.uk

Tha Pàrtaidh Spùinneadairean na RA (no cuideachd Pàrtaidh nan Spùinneadairean, (Beurla:Pirate Party UK (PPUK, Cuimris:Plaid Môr-leidr DU 'na phàrtaidh poileataigeach san Rìoghachd Aonaichte.^[2] Tha prìomh amasan a' phàrtaidh a' gabhail a-steach ath-leasachadh nan còraichean lethbhreac 's nam peutantan, taic do phrìobhaideachd, nas lugha de choimheadachd on riaghaltas agus o ghnothachas agus làn-taic do shaoirse na cainnte airson a h-uile duine.^[3]^[4]

Ghabh am pàrtaidh pàirt ann an taghadh ann an 2010 a' chiad turas is 9 tagraichean aige san taghadh choitcheann ann an 2010. Chaidh ceannard làithreach a' phàrtaidh, Andrew Robinson, a thaghadh ro stèidheachadh a' phàrtaidh agus chaidh a dhearbhadh mar cheannard le buill a' phàrtaidh ann an 2010.

Eachdraidh

Dh'fhàs ùidh ann am Pàrtaidh nan Spùinneadairean air feadh an t-saoghail ri linn cùis-lagha Pirate Bay. 'S e Spùinneadairean na Suaine, an t-àite às an robh Pirate Bay, a choisinn a' chiad bhall pàrlamaid ann an 2009 san taghadh dhan Phàrlamaid Eòrpach. 'S ann sa Ghearmailt agus san Fhraing a thug daoine ùidh ann gu h-àraidh agus chaidh ballrachd sa phàrtaidh am meud. Chaidh Pàrtaidh Spùinneadairean na RA a stèidheachadh mar phàrtaidh greiseag an dèidh an taghaidh dhan Phàrlamaid Eòrpach.^[5]^[6] agus chaidh a chlàradh gu oifigeach an 30mh dhen Iuchar 2009.^[2]^[7]^[8]

Leig Andrew Robinson dheth a dhreuchd bliadhna an dèidh sin^[9] agus chaidh an sgrìobhaiche-ciùil 's òraidiche Laurence "Loz" Kaye a thaghadh 'na àite 26 dhen t-Sultain 2010^[10]

Prìomh phoileasaidhean

Loz Kaye

Tha trì prìomh phoileasaidhean aig Pàrtaidh Spùinneadairean na RA^[3]

Crìoch a chur air ana-mheud de choimheadas, pròifileadh is lorgachadh de dhaoine leis an riaghaltas agus gnothachasan mòra.
Dèanamh cinnteach gu bheil làn-saoirse na cainnte aig gach duine agus gu bheil fìor shaoirse aca pàirt is tlachd a ghabhail ann an co-chultar mac an duine.
Ath-leasachadh nan còraichean-lethbhreac 's nam peutantan gus cead a thoirt do cho-roinneadh fhaidhlichean neo-mhalairteach agus faid nan còraichean-lethbhreac a tha ro fhada a dhèanamh nas giorra agus dèanamh cinnteach nach dèid peutantan a chleachdadh gus casg a chur air tionnsgalachd no a chum prìsean a stiùireadh.

Chaidh iomadh moladh eile a chur air fòraman a' phàrtaidh nuair a bha e 'ga chruthachadh, leithid ath-leasachadh rian nan taghaidhean, cead a thoirt do chainb agus ath-leasachadh Seirbheis Nàiseanta na Slàinte. Chuir am pàrtaidh an cèill gu soilleir gu bheil e a' cur fòcas air na trì prìomh phoileasaidhean aige a dh'aindeoin nam beachdan sin.^[11]

An Taghadh Coitcheann 2010

Sheas naoinear airson a' phàrtaidh san Taghadh Choitcheann ann an 2010 agus fuair e 1,340 bhòt, 's e sin mu 0.34% de dh'iomlan nam bhòtaichean sna roinnean far an robh tagraichean a' seasamh airson a' phàrtaidh.^[12]^[13]

Tagraiche	Roinn-taghaidh	Bhòtaichean
Andrew Robinson	Worcester	173^[14]
Graeme Lambert	Bury North	131^[15]
Alexander van Terheyden	Bethnal Green and Bow	213^[16]
Tim Dobson	Manchester, Gorton	236^[17]
Luke Leighton	South West Surrey	94^[18]
Shaun Dyer	Leicester West	113^[19]
Finlay Archibald	Meadhan Ghlaschu	120^[20]
David Geraghty	Derby North	170^[21]
Jack Nunn	Cathraichean Lunnainn is Westminster	90^[22]

Chaill gach tagraiche an cuid taisg agus 's ann am Manchester Gorton a fhuair am pàrtaidh an toradh a b' fhearr le 0.62%.

Iomraidhean

Ceanglaichean a-mach

Làrach oifigeach Pàrtaidh Spùinneadairean na Rìoghachd Aonaichte

Pàrtaidhean Poiliteagach ann an Alba

Ann am Pàrlamaid na h-Alba	Pàrtaidh Nàiseanta na h-Alba • Pàrtaidh Tòraidheach na h-Alba • Pàrtaidh Làbarach na h-Alba • Pàrtaidh Uaine na h-Alba • Pàrtaidh Libearal Deamocratach na h-Alba • Pàrtaidh Alba
Pàrtaidhean eile	Dionnasg an Fhearainn • Pàrtaidh Sòisealach na h-Alba • Pàrtaidh Spùinneadairean na RA • RISE

[1] Pirate Party UK now registered

[rp-2] 2.0 ^2.1 Coimisean nan Taghaidhean

[PPUKW-3] 3.0 ^3.1 Làrach-lìn Pàrtaidh Spùinneadairean na RA

[4] Q&A: Why the UK needs the Pirate Party

[WiredScott-5] Pirate Party wins European Parliament seat

[McCormick-6] Bay fans get voice on copyright issues

[7] Pirate Party launches UK poll bid

[Harris-8] Pirate Party UK sets sail

[9] The Pirate Party UK, One Year On

[10] Loz Kaye elected leader of UK Pirate Party

[11] ttps://web.archive.org/web/20100414175856/http://www.pirateparty.org.uk/blog/2009/aug/14/our-core-beliefs/

[12] Everything starts somewhere

[13] Pirate Party celebrates 1,340-vote election result

[14] Election 2010, Worcester, BBC

[15] Election 2010, Bury North, BBC

[16] Election 2010, Bethnal Green & Bow, BBC

[17] Election 2010, Manchester Gorton, BBC

[18] Election 2010, Surrey South West, BBC

[19] Election 2010, Leicester West, BBC

[20] Election 2010, Glasgow Central, BBC

[21] Election 2010, Derby North, BBC

[22] Election 2010, Cities Of London & Westminster, BBC

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]