Cona Mheall (Inbhir Làthail)
'S e beinn ann am Frìth Inbhir Làthail air Ghàidhealtachd a th’ ann an Cona Mheall, cuideachd Cona' Mheall[1]. Tha e 978m de dh'àirde agus 's e Beinn Rothaich a th' ann. Tha e suidhichte an ear air an rathad A835 agus mu 18km an ear-dheas air Ulapul. Is coltach gu bheil an t-ainm a' tighinn bho con, ro-fhacal Ceilteach, a' ciallachadh còmhla ri agus am facal meall. Beanntan leis an ainm sin air tìr-mòr na h-Alba, tha iad mar as trice a' nochdadh mar phàirt de bheinn nas motha a tha faisg air làimh.[2].
| Cona Mheall (Inbhir Làthail) | |
|---|---|
 Cona Mheall is Coire Grànnda | |
| Àirde (m) | 978 |
| Àirde (tr) | 3,208 |
| air liosta | Beinn Rothaich |
| Suidheachadh | |
  Cona Mheall (Inbhir Làthail) (Alba) | |
| Suidheachadh | Frìth Inbhir Làthail |
| Mapa cumadh-tìre | Landranger 20 |
| Comharradh-clèithe | NH27488166 |
Mar as trice bithear a' dèanamh air a' bheinn seo bho cheann a deas Loch Bhraoin. Dh'fhaodadh a ceangal le Beinn Dearg, Meall nan Ceapraichean agus Eididh nan Clach Geala.[3] Dh'fhaodadh cuideachd coiseachd bho Loch Droma nas fhaide gu dheas air an rathad.[4]
Bhon mhullach gheibhear seallaidhean air An Teallach, beanntan Frìth Fanaich, Asaint agus Beinn Uais.
Iomraidhean
deasaich- ↑ Ordnance Survey Landranger 20
- ↑ Drummond, Peter (1991) Scottish Hill and Mountain Names Scottish Mountaineering Trust. d. 115.
- ↑ Cona Mheall air Walkhighlands
- ↑ Munromagic