Akranes

Akranes


	Gearradh-arm no Seula

Suidheachadh

Dùthaich

Innis Tìle

Sgìre

Vesturland

Co-chomharran

64° 18' 56 Tuath
22° 5' 17 Iar

Feartan fiosaigeach

Farsaingeachd

9 km²

Àireamh-shluaigh

7,411 (2019)

Dlùths

823.44/km²

Àireamh fòn

+ 354

Duilleag oifigeil

Duilleag Oifigeil

'S e baile agus port air an àirde an iar Innis Tìle a th' ann an Akranes (IPA: aːkraˌnɛːs).^[1] Tha e suidhichte faisg air Reykjavík, dìreach aig ìre na mara,^[2] san roinn Vesturland (Roinn an Iar), ri taobh an Loch Mara Hvalfjöður, 350km air falbh bho Akureyri agus 90km bho Selfoss.^[3] Tha 7,411 duine a' fuireach sa bhaile.^[4] 'S e an seachdamh baile as motha na dùthcha an dèidh Reykjavík, Kópavogur, Hafnarfjörður, Akureyri, Garðabær agus Mosfellsbær a th' ann an Akranes. Tha e a' buntainn dhan sgìre-phàrlamaid Norðvesturkjördæmi.^[5]

Eachdraidh

Chaidh Akranes a chlàradh airson a'chiad turais anns 15mh caibideil dhen Landnámabók anns an 9mh linn, nuair a ràinig fear air an robh Þormóður (Gàidhlig: Tormod) à Èirinn.^[6] Anns na meadhan-aoisean suas gu 1602 bha ionad-malairt aig an Hansa anns a' Bhàgh Krossvík.^[7] Anns an 19mh linn, thòisich tuineachaidhean bailteil a' tighinn timcheall air seòladh mara agus a' malairt air rubha na luinge an ear air an rubha. Ann an 1885, chaidh co-dhùnadh an Akraneshreppi a roinn ann an dà leth air sgàth ùidhean eadar-dhealaichte sgìrean bailteil agus dùthchail. Thàinig e gu bhith na bhaile làn bhùthan airson na sgìre air fad. Fhuair Akranes a chuid chòirichean ann an 1942. Tha taigh-gnìomhachais saimeant anns a' bhaile, a tha air a bhith ag obair o na 60an agus ann an Grundartangi astar goirid bhon bhaile tha leaghadair a tha air a bhith ag obair bho 1998. Chaidh an tunail Hvalfjarðar (Innis Tìlis: Hvalfjarðargöngin) a stèidheachadh ann an 1998, a tha na phrìomh dhòigh còmhdhail airson Akranes agus ghiorraich e gu mòr an t-slighe gu Reykjavik.