Ștefan Gheorghiu
B' e saor, deasaiche, ceannard aonaidh-ciùird agus neach-poileataigs Sòisealach à Romàinia a bh' ann an Ștefan Gheorghiu (Ploieşti, 15 am Faoilleach 1879 - Bucharest, 19 am Màrt 1914).[1] Bhuinneadh e do theaghlach Clas-obrach bochd: bha athair na shaor roimhe.[2] Ghabh e ann an Club Luchd-obrach Sòisealach ann am Ploieşti nuair a bha e dìreach 17 bliadhna a dh' aois. Bha e doirbh dhàsan obair sheasmhach fhaighinn agus companaidhean a' seachnadh cosnadh math a thoirt do mhìleantaich. Ghabh e pàirt ann an Caismeachd mhòr nan Luchd-obrach am Bucharest ann an 1903. Thathar ag ràdh gun deach e ann air chois leis nach robh sgillinn ruadh aige airson an trèana. Chuir esan agus a dheagh charaid Nae Georgescu buidheann luchd-obrach air dòigh air an robh România muncitoare (Gàidhlig: Romàinia na h-Obrach) agus dheasaicheadh e iris na buidhne cuideachd. B' ann ann an 1907 a thòisich a chuid shlàinte a dhol na lughad.[3] Chaidh a chur an greim leis an Arm agus an stàit a' fàgail airsan gun do chuir e air bhog ar-a-mach an aghaidh an Riaghaltais. Thug droch shuidheachadh a' phrìosain buaidh làidir air a chorp is e fo ghlasaibh ann an carcair bog fluich ann an Galați fad bliadhna. Nuair a leigeadh saor e, chaidh e mun cuairt ann an Galați agus Brăila agus e a' brosnachadh luchd-obrach na sgìre ri sheasamh airson an cuid chòirichean. Ach b' fheudar dha mìosan a chur seachad ann an sanaidh faisg air Iași ann an 1911, agus an uair sin chaidh e thall thairis gu Cathair Alasdair anns An Èipheit, ann an 1912. Nuair a thill e dhachaidh fhuair e dreuchd mar rùnaire aonadh-ciùìrd na Còmhdhalach air an robh Uniunea muncitorilor de transport din România (Gàidhlig: Aonadh Luchd-obrach na Còmhdhalach ann an Romàinia). A' dh'aindeoin sin, bha e air iomallachadh gu poiliteagach aig ìre nàiseanta air sgàth 's gu robh e a' gabhail ri ain-riaghailteachd. Chaochail Gheorghiu leis a' Chaitheamh san ospadal ann am Bucharest an an 1914.[4]
| Ștefan Gheorghiu | |
|---|---|
 | |
| Beatha | |
| Breith | Ploieşti, 15 dhen Fhaoilleach 1879 |
| Dùthaich |
 Romàinia |
| Bàs |
“Marius Nasta” National Institute of Pneumophthisiology (en)  , 19 dhen Mhàrt 1914 |
| Nàdar a’ bhàis | adhbharan nàdarra (a' chaitheamh) |
| Foghlam | |
| Cànain | Romàinis |
| Dreuchd | |
| Dreuchd | ball aonaidh-chiùird agus neach-poileataigs |
Iomraidhean
deasaich- ↑ Florin Constantiniu: Gheorghiu, Ștefan, Biographical dictionary of European labor leaders. Band 1: A–L. Greenwood, Westport, UA, 1995, ISBN 0-313-29899-8.
- ↑ Florin Mihai, Jurnal, 2009
- ↑ Mihail Gheorghiu Bujor: Ștefan Gheorghiu și epoca sa. (1905–1961). Politicǎ, Bucharest, 1968.
- ↑ Martin Veith: Militant! Stefan Gheorghiu und die revolutionäre Arbeiterbewegung Rumäniens. Edition AV, Bodenburg, 2015, ISBN 978-3-86841-134-8.