Zittau

Zittau Gearradh-arm no Seula
Suidheachadh
Dùthaich	a' Ghearmailt
Ceàrn	Sagsainn
Sgìre	Görlitz
Co-chomharran	50° 53′ 46″ Tuath 14° 48′ 26″ Ear.
Feartan fiosaigeach
Farsaingeachd	66.74 km²
Àireamh-shluaigh	28.638 (2009)
Dlùths	0.43/km²
Àireamh fòn	0049 3583
Duilleag oifigeil	www.zittau.eu

'S e baile ann an Sagsainn a tha ann an Zittau (Seacais: Žitava, Pòlais: Żytawa, Sòrbais Uarach: Žitawa). Tha e suidhichte ann an ear-dheas na Gearmailt faisg air na crìochan don Phòlainn agus don t-Seic. 'S e seo na co-chomharran aige: 50° 53′ 46″ Tuath agus 14° 48′ 26″ Ear. Ann an 2009 bha 28.638 duine a' fuireach an seo.

Tha Zittau suidhichte aig cois nam beann Zittauer Gebirge, eadar 230 m is 285 m os cionn na mara. Tha abhainn bheag, Mandau, a' ruith tron bhaile. San iar-dheas a’ baile tha loch ris an canar Olbersdorfer See.

Thàinig an t-ainm Zittau às na cànanan Slàbhach agus tha e a' ciallachadh "seagal".

Tha am baile ainmeil air sgàth 's nam Fastentücher (Laideann: Velum quadragesimale) aca. 'S e pìosan clò a th' annta a chleachdadh anns na seann làithean airson an altair a chur air falbh aig àm a' Charghais. Chaidh iad a chruthachadh ann an 1472 agus 1573. Tha am fear as motha a' sealltainn sgeulachdan às a' Bhìoball. Mar sin tha e sònraichte air feadh na Roinn Eòrpa gus an latha an-diugh.

Bailtean Co-cheangailte

• Bogatynia
• Eichgraben
• Liberec
• Pistoia
• Portsmouth
• Villingen-Schwenningen

Ceanglaichean a-mach

• Duilleag oifigeil a' bhaile (Ghearmailtis)