William F. Buckley Jr.

B’ e sgrìobhadair agus iomradair às na Stàitean Aonaichte a bh’ ann am William Frank Buckley Jr. (Eabhraig Nuadh, 24 an t-Samhain 1925 – Stamford, 27 an Gearran 2008) a bha a' tarraing a' chuid as motha de na beachdan aige bhon deas-làimh de phoileataigs. Stèidhich e an iris poileataigeach National Review ann an 1955, agus bha e an làthair air 1,429 earrann den phrògram TBh Firing Line bho 1966 gu 1999. A bharrachd air an sin ‘s e naidheachdair a bh’ ann le na sgrìobhaidhean aige air am foillseachadh ann an iomadach pàipear air feadh na Stàitean Aonaichte. Bha e ainmeil airson cho fòghlamaichte, eirmseach agus briathrach ‘sa bha na pìosan a bhiodh e sgrìobhadh.

William F. Buckley Jr.
Beatha
Breith	Eabhraig Nuadh, 24 dhen t-Samhain 1925
Dùthaich	Na Stàitean Aonaichte
Àite-fuirich	Stamford
Bàs	Stamford, 27 dhen Ghearran 2008
Nàdar a’ bhàis	adhbharan nàdarra (Tinneas an t-siùcair)
Teaghlach
Athair	William Frank Buckley, Sr.
Cèile	Patricia Buckley (en)  (1950 -
Clann	liosta Christopher Buckley (en)
Bràithrean ⁊ peathraichean	liosta Patricia Buckley Bozell (en) James L. Buckley (en) Priscilla Buckley (en) Reid Buckley
Sinnsirean	liosta L. Brent Bozell III (en) (mac-peathar no mac-bràthar)
Foghlam
Foghlam	Oilthigh Yale
Cànain	Beurla
Dreuchd
Dreuchd	neach-naidheachd, preasantair telebhisein, nobhailiche, sgrìobhadair agus neach-poileataigs
Fastaichean	Central Intelligence Agency (en)
Duaisean a fhuaras	liosta Presidential Medal of Freedom National Book Award Library of Congress Living Legend
Buaidh	Edmund Burke (en) agus Albert Jay Nock (en)
Ballrachd	Comann Mont Pèlerin
Seirbheis san arm
Meur an airm	Arm nan Stàitean Aonaichte
Ìre	leas-leifteanant
Strì	An Dàrna Cogadh
Creideamh
Creideamh	Caitligeachd
Pàrtaidh poileataigeach	Am Pàrtaidh Poblachdach
IMDb	nm0118702

Bha buaidh mhòr dha-rìreabh aig Buckley air cultar Ameireaga agus thuirt George H. Nash, eachdraiche an gluasad deas-làimhe Ameireaganach, mu dheidhinn:

“dh’fhaodadh duine ràdh gur e an duine innteachail is cudthromach a bh’ anns na Stàitean Aonaichte thairis air an leth-cheud bliadhna chaidh…airson ginealach slàn b’ e prìomh ghuth conservatism Ameireaganach a bh’ ann agus a chiad duine mòr anns a' ghluasad ud.”

‘S e an rud is buadhaiche a rinn Buckley poileataigs an làimh dheis a cheangal ri feallsanachd eaconomach “laissez-faire” bhith gu cruaidh an aghaidh comunnachas, mar sin a' cur sìos nàdar de bhun-stèidh airson an conservatism nuadh a bha aig cridhe oidhirpean Barry Goldwater agus Ronald Reagan an taghadh airson Ceannard nan Stàitean Aonaichte a bhuannachadh.

Sgrìobh Buckley iomadach leabhar. ‘S e am fear as ainmeile aige God and Man at Yale a chaidh a dh'fhoillseachadh ann an 1951. A measg nan leabhraichean eile aige sgrìobh e mu eachdraidh, poileataigs, seòladh-mara, sgilean sgrìobhaidh agus labhairt, agus sreath de leabhraichean rosg mu fhear a bha ag obair airson an CIA. Mar is tric bhiodh Buckley ga chur fhèin air adhart mar Libertarian no consevative. Bhiodh e a' fuireach ann am baile New York agus Stamford, Connecticut. Caitligeach a bh’ ann, agus bhiodh e a' dol dhan aifreann traidiseanta Laideann ann an Connecticut.

Ceanglaichean a-mach

• William F. Buckley Jr. anns an Notable Names Database