Tarsus

Tarsus


Suidheachadh
Dùthaich	An Tuirc
Ceàrn	Tarsus Belediyesi
Sgìre	Mersin İli
Co-chomharran	36° 55 00' Tuath 34° 54 00' Ear
Feartan fiosaigeach
Farsaingeachd	2,019 km²
Àireamh-shluaigh	323,961 (2017)
Dlùths	160.46/km²
Àireamh fòn	+ 616
Duilleag oifigeil	https://www.tarsus.bel.tr

'S e baile agus sgìreachd (Turcais: belediye) ann an ceann a deas Poblachd na Tuirce a th' ann an Tarsus (Arabais: طَرَسُوس, Airmeanianais: Տարսոն, Eabhra: תרשיש, Greugais: Ταρσός). Tha Tarsus suidhichte faisg air Mersin, eadar Antalya agus Adana san roinn (Turcais: ili) Mersin, aig inbhir na h-Aibhne Berdan, aig 23m os cionn ìre na mara. Tha 323,961 duine a' fuireach ann.^[1] 'S e an 44amh baile as motha na dùthcha a th' ann cuideachd.^[2]

Eachdraidh

B' e na Hatti a stèidhich am baile o chionn corr is 6,000 bliadhna^[3] agus chuireadh Tarsa air, bho Tarku, dia na grèine.^[4] B' e gu robh an t-àite aig crois-rathaid eadar caochladh shlighe mhalairt air feadh Aisia Bige agus na Mara Mheadhan-thìriche. An dèidh na Hatti bha am baile agus an sgìre fo bhuaidh Impireachd Asirianach - sluagh Seimitig - agus an uair sin Impireachd Pheirse - a bha agus a tha fhathast na shluagh Innd-Eòrpach. Bha Tarsus na phrìomh-bhaile na roinn Kizzuwatna (Laideann: Cilicia). Thàinig Alasdair Mòr ann an 333 ro Ìosa Chrìosd agus theab e bàsachadh aig Cath Cydnus.^[5] Bha Tarsus gu ìre air a ghreugachadh mar-thà. Thuit am baile gu Impireachd na Ròimhe ann an 67 ro Ìosa Chrìosd. Chuireadh Juliopolis air fad corra bhiadhna agus b' ann ann an Tarsus a thachair Cleopatra ri Marcus Antonius. Lean am baile air mar àite airson ionnsachaidh fo na Ròmanaich.^[6] Chaidh Tacitus, Maximinus II agus Flavius Claudius Iulianus Augustus air an tìodhlacadh an seo. Ràinig Crìosdaidheachd dhan dùthaich sa 1 Linn agus chaidh easbaigeachd a stèidheachadh sa bhaile, fon easbaig Helenus. Bha an easbaigeachd seo cho cudromach gun deach easbaigean à Tarsus gu comhairlean-eaglaise ann an Ancyra (314), Nicaea (325) agus Ephesus (431).^[7] Lean am baile air mar àite gu math cudromach fon Impireachd Bheasantianach, gu ruige an 7mh Linn nuair a thuit e dha na h-Arabaich. Shabaideadh feachdan Ioslamach agus Crìostaidh, Mamalucach agus Arabach airson a' bhaile fad linntean gus an tug Impireachd nan Otomanach thairis e ann an 1516. Anns an 19mh Linn bha inbhir na h-aibhne na bhoglach agus rinn sin droch chron air malairt.

Daoine Ainmeil

Athenaeus à Attaleia^[8]
Pòl à Tarsus (5 - 67)^[9]

Bailtean Co-cheagailte

Langen

Iomraidhean

↑ Cunntas-sluaigh na Stàite
↑ World Population Review
↑ Abarim
↑ Jewish Encyclopedia
↑ Livius
↑ Bosworth, C. E. (1992). "The City of Tarsus and the Arab-Byzantine Frontiers in Early and Middle ʿAbbāsid Times". Oriens. 33: 269. ISSN 0078-6527
↑ Eusebius, Historia Ecclesiastica, VI, xlvi; VII, v
↑ Galen, De Element. ex Hippocr., i. 6. vol. i; Defin. Med., prooem. vol. xix; De Trem. Palpit., etc. c. 6. vol. vii.; De Differ. Puls., iv. 10. vol. viii.
↑ Saints' Resource

Ceanglaichean A-mach

Riaghaltas na Roinne^{[dead link]}

[1] Cunntas-sluaigh na Stàite

[2] World Population Review

[3] Abarim

[4] Jewish Encyclopedia

[5] Livius

[6] Bosworth, C. E. (1992). "The City of Tarsus and the Arab-Byzantine Frontiers in Early and Middle ʿAbbāsid Times". Oriens. 33: 269. ISSN 0078-6527

[7] Eusebius, Historia Ecclesiastica, VI, xlvi; VII, v

[8] Galen, De Element. ex Hippocr., i. 6. vol. i; Defin. Med., prooem. vol. xix; De Trem. Palpit., etc. c. 6. vol. vii.; De Differ. Puls., iv. 10. vol. viii.

[9] Saints' Resource

[1]

[2]

[3]

[4]

[5]

[6]

[7]

[8]

[9]