Aithbhreac inghean Coirceadail
(Air ath-sheòladh o Aithbhreac Inghean Corcadail)
B' e bana-bhàrd a bha ann an Aithbhreac inghean Coirceadail, no mar a chuireadh sinne oirre anns an latha an-diugh Aithbhreac Nic Chorcadail. Cha tàinig ach aon dàn a rinn ise a-nuas thugainn: am marbhrann A phaidrín do dhùisg mo dhéar, a tha air a ghlèidheadh ann an Leabhar Deadhan Lios Mòir agus anns a bheil i a' caoidh a fir, Niall Óg (mac Thorcuil) MacNéill Ghiogha, a bha na chonstabal aig Caisteal Suibhne ann an Cnapadal às leth MacDhòmhnaill nan Eilean, agus a dh'eug, a rèir coltais, uaireigin eadar 1455 agus 1472. Is dòcha gur e seo an dàn as tràithe a rinneadh (ann an Alba no ann an Èirinn) le bana-bhàrd air a bheil ainm cinnteach is ceann-là.[1]
| Aithbhreac inghean Coirceadail | |
|---|---|
| Beatha | |
| Breith | 1430 (Gregorian) |
| Dùthaich |
 Rìoghachd na h-Alba |
| Bàs | 1480 (Gregorian) |
| Foghlam | |
| Cànain | Gàidhlig |
| Dreuchd | |
| Dreuchd | sgrìobhadair agus bàrd |
| Gnè ealain | bàrdachd |
Tùsan
deasaich- (1983): ann an: Thomson, Derick S.: The Companion to Gaelic Scotland. Oxford: Blackwell Publishing, td. 3. ISBN 0-631-12502-7.
Iomraidhean
deasaich- ↑ “WPISW - Scottish Gaelic Poems”. Women's Poetry in Ireland, Scotland and Wales, Oilthigh Aberystwyth. Air a thogail 13mh dhen Mhàrt 2018.