Seannduaig

Seannduaig

Suidheachadh

Seannduaig (Alba)
Dùthaich	Alba
Comhairle	Comhairle na Gàidhealtachd
Siorrachd	Ros an Ear
Co-chomharran	57° 45′ 1.08″ Tuath 3° 55′ 14.38″ Iar
Comharradh-clèithe	NH857750
Feartan fiosaigeach
Còd-puist	IV20 1
Duilleag oifigeil	seaboardvillages.com

'S e baile air a' Ghàidhealtachd a tha ann an Seannduaig (Beurla: Shandwick).^[1] Tha am baile suidhichte faisg air Baile Dhubhthaich ann an Ros an Ear. 'S e sin aon de na trì bailtean air oirthir a tuath air Linne Mhoireibh ris an canar Bailtean na Mara, ' s e Baile a' Chnuic agus Baile an Todhair an dà bhaile eile.

Thàinig an t-ainm Seannduaig bhon fhacail Seann-Lochlannais "sand-vík",^[2] Tha iad a' ciallachadh: sand: gainmheach agus vík: bàgh. Nochd ainm a' bhaile aig Dwelly 1912 mar Seanndabhaig . ^[3]

Tha Clach a' Charraidh, clach Chruithneach Clas II, na seasamh air cnoc os cionn a' bhaile. Chaidh a togail timcheall air 780 AD agus fad linntean bha na iasgairean a cleachdadh mar thùr-rabhaidh gus an deach a leagail le gèile ann an 1846, bhris e ann an dà phìos. Chaidh an clach ath-thogail a-rithist anns an dearbh àite, ach tha i dìonta le bocsa glainne a-nis.

Tha e gu bhith 10 troighean (3 meatairean) a dh'àirde. Air aon taobh tha snaidheadh de chrois Chrìosdail ann, air an taobh eile chithear samhlaidhean is seallaidhean Cruithneach.