Eilean a' Chlèirich
'S e eilean beag a tha ann an Eilean a' Chlèirich. Tha e suidhichte air àird an iar na h-Alba air ceann Loch Bhraoin. 'S e aon de na h-Eileanan Samhraidh a th’ ann. Tha e suidhichte air àirde a deas Glas-leac Beag agus air àird an iar Eilean a' Bhotail. Tha e mu shia cilemeatair air falbh bho mhòr-thìr na h-Alba. [1] 'S e seo na Co-chomharran aige: 57° 57′ 34″ Tuath agus 5° 30′ 25″ Iar.
Chan eil duine sam bith a' fuireach ann.
Cruth na tìre
deasaichTha Eilean a' Chlèirich cho farsaing ri 122 heactair. Tha dà phàirt mhòr àrd ann a tha à gaineamh-chlach agus tha gleann eatorra. Tha dà loch anns a’ ghleann ris an canar Lochan na Gleann agus Lochan Iar. [2] Tha mòran lochan eile anns an eilean, seo an fheadhain as motha: Lochan Tuath, Loch Beag, Loch Dubh Meadhanach, Lochan Fada is Loch na h-Àirigh. Air àird a deas Loch na h-Àirigh lorgar eaglais aosmhor bheag bhriste agus tobhta bhothain. Tha tursachan ro-eachdraidheil faisg air an loch seo a chaidh a chladhachadh le Harvie-Brown, seòladair aig àm Bhioctorianach.
Tha an t-àite as àirde sa deas an eilein faisg air Moll na h-Uaimhe, tha e 78 meatair (256 troigh) os cionn na mara. Tha uamh ann am Moll na h-Uaimhe far an do lorg Fraser Darling cnàmhan mhucan, cnàmhan daimh agus cnàmhan luaireagan.
Tha uamhan eile ann, m. e.: Toll Eilean a’ Chlèirich air àird an ear-thuath an eilein.
Fiadh-bheatha
deasaichTha fraoch a’ fàs air a' chuid as motha den eilean ged a tha fearann coillteach beag ann cuideachd. [3]
Tha mòran Bhiastan-dubha a’ fuireach faisg air Lochan na Gleann agus Lochan Iar.
Tha 29 seòrsaichean diofraichte de eòin a’ fuireach anns an eilean, ri measg 's e na luaireagan (Hydrobates pelagicus) aon de na seòrsaichean as motha a th’ ann. [1] [4]
Tha Eilean a' Chlèirich dìonta mar Tèarmann Nàdair Nàiseanta agus tha e aig Comann Rìoghail Dìon nan Eun (RSPB). Tha e aidichte mar Àite Sònraichte Dìona (SPA). Chan eil e ceadaichte a dhol air an eilean gun chead bhon RSPB.
Iomraidhean
deasaich- ↑ 1.0 1.1 "Priest Island SPA Description". Joint Nature Conservation Committee. Retrieved 2007-12-15.
- ↑ Haswell-Smith, Hamish (2008): The Scottish Islands, duilleag 190; Dùn Èideann, Canongate. ISBN 9781847672773
- ↑ “Priest Island: Overview of Priest Island”. Gazetteer for Scotland. Air a thogail 24mh dhen Mhàrt 2024.
- ↑ Haswell-Smith, Hamish (2008): The Scottish Islands, duilleag 191; Dùn Èideann, Canongate. ISBN 9781847672773
Ceanglaichean a-mach
deasaich- Iomraidhean nam mapaichean airson comharradh-clèithe: NB 926 026
Càrn Iar • Càrn Deas • Càrn nan Sgeir • Eilean a' Bhotail • Eilean a' Bhuic • Eilean a' Chlèirich • Eilean a' Chàr • Eilean Dubh • Eilean Fada Mòr • Eilean nan Eich • Eilean Mhàrtainn • Eilean Mullagrach • Eilean Ruisteil • Glas-leac Beag • Glas-leac Mòr • Meall nan Gabhar • Sgeir nam Feusgan • Tannara Bheag • Tannara Mhòr