Tannara Mhòr
'S e Tannara Mhòr (Beurla: Tanera More) an t-eilean as motha anns na h-Eileanan Samhraidh. Tha i suidhichte ann an inbhir Loch Bhraoin. Tha i cho mòr ri 310 heactair (1.2 mìle ceàrnagach). Anns a’ bhliadhna 2001 bha còignear a’ fuireach an seo. Tha oifis a’ phuist is cafaidh ann, agus tha tuathanach bradain ann.
![](http://upload.wikimedia.org/wikipedia/commons/thumb/c/c9/Rubh%27_Ard-na-goine%2C_Tanera_M%C3%B2r.jpg/220px-Rubh%27_Ard-na-goine%2C_Tanera_M%C3%B2r.jpg)
![](http://upload.wikimedia.org/wikipedia/commons/thumb/f/fd/Summer_Isles_post_office_and_cafe%2C_Tanera_M%C3%B2r.jpg/220px-Summer_Isles_post_office_and_cafe%2C_Tanera_M%C3%B2r.jpg)
Chan eil rathaidean air an eilean, tha slighe a-mhàin a’ dol timcheall a’ bhàidh ris an canar “the Anchorage”. Tha an slighe a’ tòiseachadh san àird an ear-thuath an eilein aig Rubh' Àird na Goine, a’ dol sìos chun a' chidhe gu Garadheancal san àird an ear-dheas. Tha bàtaichean a’ dol eadar an eilean agus Aichillidh Bhuidhe, a tha mu 1.5 mìle air falbh san tìr–mòr Alba.
'S e Meall Mòr (124 meatair) a’ bheinn as àirde ann an Tannara Mhòir.
Thàinig an t-ainm Tannara bhon Seann Lochlannais, tha e a’ ciallachadh: "Eilean arcasaidh".[1]
Bhon bhliadhna 1970 bidh an Summer Isles Philatelic Bureau a’ foillseachadh stampaichean às an eilean fhèin airson nam mìltean de na luchd-turais a tha a’ tadhail air Tannara Mhòir gach bliadhna. [2]
Litreachas
deasaichAnns na 1930an bha Frank Fraser Darling, neach-glèidhteachais nàdair, a’ fuireach ann an Tannara Mhòir airson dà bhliadhna. Sgrìobh e an leabhar "Island Years" (foillsichte ann an 1940) mun àm ud.
Iomraidhean
deasaich- ↑ Iain Mac an Tàilleir, "Placenames", duilleag 111, Pàrlamaid na h-Alba
- ↑ Oifis a' phuist Tannara Mhòir
Ceanglaichean a-mach
deasaich- Iomraidhean nam mapaichean airson comharradh-clèithe: NB 987 075
- Duilleag oifigeil nan Eileanan Samhraidh
Càrn Iar • Càrn Deas • Càrn nan Sgeir • Eilean a' Bhotail • Eilean a' Bhuic • Eilean a' Chlèirich • Eilean a' Chàr • Eilean Dubh • Eilean Fada Mòr • Eilean nan Eich • Eilean Mhàrtainn • Eilean Mullagrach • Eilean Ruisteil • Glas-leac Beag • Glas-leac Mòr • Meall nan Gabhar • Sgeir nam Feusgan • Tannara Bheag • Tannara Mhòr