Ostfriesische Inseln

Tha na Ostfriesische Inseln (Eileanan Frìosach an Ear; Beurla: East Frisian Islands) suidhichte anns a’ Chuan a Tuath. Tha iad eadar còig agus deich cilemeatair air falbh bho chladach Sagsainn Ìosail. Tha seachd eileanan ann, far a bheil daoine a’ fuireach. Is e Borkum le 32 km² an t-eilean as motha, agus is e Baltrum le 6 km² am fear as lugha. Tha iad agus a' mhuir timcheall orra nam pàirt dhen phàirc-nàiseanta Lower Saxony Wadden Sea National Park.

Ostfriesische Inseln

Sanas rathaid a tha ag ràdh gu bheil càraichean toirmisgte

Tha aiseagan a' ruith chun nan eileanan mòra, chan eil iad ceangailte le drochaid gu tìr-mòr. Ach ma bhios a' mhuir air falbh 's urrainnear a' coiseachd bho thìr-mòr gu Norderney, Baltrum, Langeoog, Spiekeroog is Wangerooge. Ann an cuid as motha de na h-eileanan tha càraichean toirmisgte, ach ann an Borkum agus Norderney. Chan eil càr ach aig na dotairean agus an luchd-smàlaidh. Tha fiù an luchd-sgudail ag obair le carbad-eich.

Tha gnìomhachas turasachd gu math làidir anns na h-eileanan. Gu tradaiseanta bha agus tha muinntir an àite ag obair mar iasgairean.

Chaidh a' chiad taigh-solais le dealain anns a' Ghearmailt a thogail ann am Borkum ann an 1889.

Seo na h-eileanan far a bheil daoine a' fuireach, bhon iar chun an ear:

1. Borkum
2. Juist
3. Norderney
4. Baltrum
5. Langeoog
6. Spiekeroog
7. Wangerooge

Tha còig eileanan beaga ann gun daoine:

1. Kachelotplate
2. Lütje Hörn
3. Memmert
4. Minsener Oog
5. Mellum
6. Großer Knechtsand

Ceanglaichean a-mach

• Pàirc-nàiseanta Niedersächsisches Wattenmeer (Gearmailtis)
• Cruinn-eòlas Oilthigh Stuttgart - Fiosrachadh mu eachdraidh cruinn-eòlas nan eileanan (Faidhle PDF - 3,93 MB)(Gearmailtis)