Menachem Avidom
B' e neach-teagaisg agus ceòl-sgrìobhaiche à Iosrael a rugadh sa Phòlainn a bh' ann am Menachem Avidom (Eabhra: מנחם אבידום, ainm-breithe: Mendel Mahler-Kalkstein, Stanisławów, 6 am Faoilleach 1908 – Herzliya, 5 an Lùnasdal 1995).[1] Dh'inimrich e gu Palastain ann an 1925 agus fhuair e a cuid foghlaim san Oilthigh Aimearaganach am Beirut, eadar 1926 agus 1928. Rinn e dà bhliadhna sa Chonservatoire ann am Paris fo Henri Rabaud cuideachd, bho 1928 gu ruige 1931.[2] Chruthaich e ainm ann an Eabhra dhàsan fhèin, a tha a' ciallachadh Athair D agus M bhon fhacal אבי (athair), leis gu robh dithis nigheannan aige: Daniela agus Miriam. Thill e a dh' Iosrael agus chuir e seachad bliadhnaichean a' teagasg teòiridh ciùil ann an Tel Aviv. A bharrachd air sin, bha e na rùnaire Orcastra Fiolarmonach Iosrael bho 1945 gu ruige 1952 agus na chathraiche Lìog ceòl-sgrìobhaichean Israel bho 1955 gu ruige 1978. Bhuannaich e an Duais Iosrael airson Ciùil ann an 1961, airson an opara Alexandra ha'Hashmonait.[3]
| Menachem Avidom | |
|---|---|
 | |
| Beatha | |
| Breith | Ivano-Frankivsk, 6 dhen Fhaoilleach 1908 |
| Dùthaich |
 Iosrael |
| Bàs |
Herzliya (en)  , 5 dhen Lùnastal 1995 |
| Foghlam | |
| Foghlam |
American University of Beirut (en) |
| Dreuchd | |
| Dreuchd | ceòl-sgrìobhaiche |
| Duaisean a fhuaras |
liosta
|
Obair
deasaich- Guth
- Anns gach ginealach, opara, 1955
- Alexandra ha'Hashmonait, opara, 1961
- Soraidh Slà, opara, 1971
- A' Chiad Pheac, opara, 1980
- Me'Arat Yodfat, opara
- 4 oparan eile
- Kantatat t'hilim, cantata, 1955
- 12 Cnuic, cantata, 1976
- Orcastra
- Simphnidh 3: Yam tichonit, 1952
- 9 simphnidhean eile
- Consairt Duiseil
- Consairt do fhidheall agus orcastra
- Orcastra seòmair
Iomraidhean
deasaich- ↑ Darryl Lyman: Great Jews in Music. Jonathan David Publishers, Eabhraig Nuadh, 1986, ISBN 0-8246-0315-X.
- ↑ Herzl Shmueli: Avidom (Mahler-Kalkstein), Menahem. Ann am: Michael Berenbaum, Fred Skolnik: Encyclopedia Judaica. 2. Auflage. Band 2, Macmillan, Detroit, 2007.
- ↑ IFJC