Dùghlas Ross
'S e neach-poileataigs à Alba a tha ann an Dùghlas Ross [1] BP (Beurla: Douglas Ross).
Thaghadh e mar bhall-liosta airson na Gàidhealtachd agus nan Eilean anns an taghadh Albannach 2016. An dèidh don taghadh chaidh e na neach-labhairt airson a' bhuidhinn Tòraidheach air ceartais.[2] Chaidh e a thaghadh cuideachd mar BhP airson Moireabh ann an 2017[3] agus leig e dheth a sheat aig Taigh an Ròid.[4] Tha e na bhall dhen Phàrtaidh Tòraidheach na h-Alba. Chaidh e na fho-mhinistear airson Alba ann an 2019 ach dh'fhàg e an riaghaltas an dèidh do chonnspaid mu Dhominic Cummings an taigh aige fhàgail is a shiubhail gu Durham bho Lunnainn nuair a bha buill dhen teaghlach tinn le COVID-19.[5]
Lean Dùghlas Ross mar cheannard a' phàrtaidh Jackson Carlaw ged nach robh seat aig Taigh an Ròid aige. Cha robh tagraichean eile ann. Ghabhadh Ruth Davidson an àite aige airson deasbadan is ceistean aig Taigh an Ròid.[6] Thuirt e gun leigeadh e a dhreuchd mar cheannard a' phàrtaidh an dèidh do thaghadh coitcheann 2024 anns an Ògmhios 2024.[7]
Tha e ag obair cuideachd mar rèitire bhall-coise ann an geamannan eadar-nàiseanta.[8]
Connspaid
deasaichTha Dùghlas Ross a' leantainn air mar rèitire is e air deasbadan san Taigh nan Cumantan a chall.[9]
Thuirt Mgr Ross nach seasadh e airson Taigh nan Cumantan ann an 2024 ach an sin chaidh e na thagraiche airson na sgìre ùr, Shiorrachd Obar Dheathain a Tuath agus Moireibh an Ear an dèidh dhan a' phàrtaidh David Duguid a chur às agus e tinn. Mar sin fhuair na Tòraidhich droch chàineadh à pàrtaidhean eile.[10] Cha do bhuannaich e an seat sin.[11]
Iomraidhean
deasaich- ↑ “Taghadh Pàrlamaid air Ghàidhealtachd”, BBC. 16mh dhen Ògmhios 2016. Air a thogail 27mh dhen t-Sultain 2016.
- ↑ “Scottish Conservative appointments for new parliamentary term” (Beurla). Pàrtaidh Tòraidheach na h-Alba. Air a thogail 27mh dhen t-Sultain 2016.
- ↑ “Douglas Ross MP”. Pàrlamaid Westminster. Air a thogail 14mh dhen Ògmhios 2017.
- ↑ “Newly elected Tory MPs quit Holyrood for Westminster”, BBC. 13mh dhen Ògmhios 2017. Air a thogail 5mh dhen Iuchar 2017.
- ↑ “Dùghlas Ros air an Riaghaltas fhàgail”, Naidheachdan a' BhBC. 26mh dhen Chèitean 2020. Air a thogail 26mh dhen Chèitean 2020.
- ↑ “Douglas Ross confirmed as Scottish Conservative leader”, BBC News. 5mh dhen Lùnasdal 2020. Air a thogail 6mh dhen Lùnasdal 2020.
- ↑ “Dùghlas Ros gus a dhreuchd a leigeil dheth”, Naidheachdan a' BhBC. 10mh dhen Ògmhios 2024. Air a thogail 10mh dhen Ògmhios 2024.
- ↑ “Scotland - D. Ross” (Beurla). Soccerway. Air a thogail 27mh dhen t-Sultain 2016.
- ↑ “Dùghlas Ross "an dùil leantainn air" greis eile”, BBC. 23mh dhen Dàmhair 2017. Air a thogail 2na dhen t-Samhain 2017.
- ↑ “Tories insist Ross played no part in dropping candidate”, BBC News. 8mh dhen Ògmhios 2024. Air a thogail 9mh dhen Ògmhios 2024.
- ↑ “An Taghadh BEÒ”, Naidheachdan a' BhBC. 5mh dhen Iuchar 2024. Air a thogail 5mh dhen Iuchar 2024.
Ceanglaichean a-mach
deasaich- They Work for You: Douglas Ross MP, Moray, former MSP, Moray (Beurla)
- “Douglas Ross”. Pàrlamaid na h-Alba. Air a thogail 10mh dhen Ògmhios 2024.
| Buill sgìreil | Liam MacArtair (Arcaibh) • Jenni Minto (Earra-Ghàidheal agus Bòd) • Gail Ros (Gallaibh, Cataibh agus Ros) • Ceit Fhoirbeis (An t-Eilean Sgitheanach, Loch Abar agus Bàideanach) • Alasdair Allan (Na h-Eileanan an Iar) • Ridseard Lochhead (Moireabh) • Beatrice Wishart (Sealtainn) |
| Buill liosta | Dòmhnall Camshron • Edward Mountain • Jamie Halcro Johnston • Dùghlas Ross • Ariane Burgess • Rhoda Ghrannd • Emma Roddick |