Alistair MacLean

B’ e sgrìobhaiche a bh’ ann an Alistair MacLean (ainm Gàidhlig Alasdair Stiùbhart MacGillEathain, Glaschu, 28 an Giblean 1922 – München, 2 an Gearran 1987) a thog cliù dha fhèin mar sgrìobhadair de nobhailean mar “The Guns of Navarone” agus “Where Eagles Dare”. Sgrìobh e cuideachd fon ainm Ian Stuart. Bha Gàidhlig aige.

Alistair MacLean
Beatha
Ainm slàn	Alistair Stuart MacLean
Breith	Baile Nighean Sheadna, 21 dhen Ghiblean 1922
Dùthaich	Alba
Àite-fuirich	An Eilbheis Deimhidh
Bàs	München, 2 dhen Ghearran 1987
Àite-adhlacaidh	Old Cemetery of Céligny (en)
Nàdar a’ bhàis	adhbharan nàdarra (greim-cridhe)
Teaghlach
Athair	Alistair Maclean
Foghlam
Foghlam	Oilthigh Ghlaschu Hillhead High School (en) Acadamaidh Rìoghail Inbhir Nis
Cànain	Beurla
Dreuchd
Dreuchd	sgrìobhadair, neach-teagaisg, sgrìn-sgrìobhaiche agus beatha-eachdraiche
Obraichean comharraichte	The Guns of Navarone (en)
Far-ainmean	Ian Stuart
Gnè ealain	nobhail driod-fhortain
Seirbheis san arm
Meur an airm	An Cabhlach Rìoghail
Strì	An Dàrna Cogadh
IMDb	nm0533745

Rugadh Alistair MacLean ann an Glaschu far an robh athair ag obair mar mhinistear ach chuir e seachad a chuid as motha de dh'òigridh ann an Deimhidh, mu 10 mìle taobh a deas Inbhir Nis.

Ghabh e dreuchd mar sheòladair còmhla ris a' Chabhlach Rìoghail ann an 1941 agus e a' gabhail pàirt san Dara Cogadh Mòr mar “Ordinary Seaman”, “Able Seaman” agus “Leading Torpedo Operator”. Dh’obraich e an toiseach air a' bhàta PS Bournemouth Queen faisg air costa Bhreatainn agus an dèidh 1943 bha e air bòrd am HMS Royalist. Air a' bhàta seo ghabh e pàirt ann an sabaid no dhà ann an 1943 sa Chuan Siar, Muir Lochlainn agus ann an 1944 sa Mhuir Mheadhanach mar phàirt de dh’ionnsaigh air taobh a deas na Frainge. Ghabh an Royalist pàirt ann an sabaid sa mhuir Aegean cuideachd agus mu dheireadh, an 1945, chaidh am bàta a chuir a dh’Aisia gus sabaid an aghaidh Iapan agus Breatainn ann am Burma, Malaya agus Sumatra.

Dh’fhàg Alistair MacLean an Cabhlach Rìoghail an 1946 agus ghabh e àite aig Oilthigh Ghlaschu, a fàgail ann an 1953 le ceum ann am Beurla. An dèidh sin thog e dreuchd mar maighstir-sgoile san Ruaidh Ghleann. Mar oileanach thòisich Alistair MacLean air sgeulachdan ghoirid a sgrìobhadh gus rud beag airgid a chosnadh, agus bhuannaich e co-fharpais ann an 1954 le sgeulachd muireil leis an ainm “Dìleas”. Thug am foillsichear Collins cuireadh thuige airson nobhail a sgrìobhadh agus 's ann an uair sin a chruthaich e an leabhar “HMS Ulysses”, mu na thachair ris fhèin sa chogadh (le rud beag taic is fiosrachadh bho a bhràthair Ian a bha na Master Mariner). Reic an nobhail gu leòr agus cha robh fad sam bith gus am b’ urrainn do MhacGillEathain dreuchd a ghabhail làn-ùine mar sgrìobhadair.

Phòs MacGillEathain dà thuras agus bha triùir mhac aige leis a chiad bean. Chaochail e ann am München ann an 1987.

Leabhar-chlàr

Bliadhna	Tiotal	Fiosrachadh eile
1955	HMS Ulysses
1957	The Guns of Navarone
1957	South by Java Head
1959	The Last Frontier
1959	Night Without End
1961	Fear is the Key
1961	The Dark Crusader
1962	The Golden Rendezvous
1962	The Satan Bug	mar Ian Stuart
1962	All about Lawrence of Arabia
1963	Ice Station Zebra
1966	When Eight Bells Toll
1967	Where Eagles Dare
1968	Force 10 From Navarone
1969	Puppet on a Chain
1970	Caravan to Vaccarès
1971	Bear Island
1972	Alistair MacLean Introduces Scotland	deisichte le Alastair Dunnett
1972	Captain Cook
1973	The Way to Dusty Death
1974	Breakheart Pass
1975	Circus
1976	The Golden Gate
1977	Seawitch
1978	Goodbye California
1980	Athabasca
1981	River of Death
1982	Partisans
1983	Floodgate
1984	San Andreas
1985	The Lonely Sea	Sgeulachdan goirid
1986	Santorini