Álava (provincia)

Araba Bratach na Roinne Gearradh-arm no Seula
Suidheachadh
Dùthaich	An Spàinn
Prìomh-bhaile	Vitoria-Gasteiz
Stèidhichte	1833
Feartan fiosaigeach
Farsaingeachd	2,963 km²
Àireamh-shluaigh	319,227 (2014)
Dlùths	107.74/km²
Àireamh fòn	+ (945)
Duilleag oifigeil	Riaghaltas na Roinne

'S e provincia na Spàinne a tha ann an Araba (IPA: aˈɾaba, Spàinntis: Álava). Tha e na laighe ann an Dùthaich nam Basgach, ann an ceann a tuath na dùthcha. 'S e Vitoria-Gasteiz a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm. B' e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Euskadi i ann an 1978, nuair a sgrìobhadh Bun-reachd ùr. Sìnidh Bizkaia fad 2,963km² agus tha 319,227 duine a' fuireach ann. Le sin, 's e an treas roinn as lugha na Spàinne a thaobh talmhainn agus an 9mh as lugha a thaobh àireimh-sluaigh. Tha crìochain aice le Bizkaia, Burgos, Cantàbria, Gipuzkoa, La Rioja agus Nafarroa. 'S e Basgais agus Spàinntis a tha gam bruidhinn an seo.

Freumhan an ainm

Tha cuid a luchd-rannsachaidh dhen bheachd gur ann à Alba (Gàidhlig: geal) ann an Laideann a tha an t-ainm air sàilleabh gu robh baile Ròmanach san sgìre air an rathad Ab Asturica Burdigalam eadar Astorga agus Bordeaux. A dh'aindeoin sin, tha teòiridh eile ann a chanas gur ann à laua ann an seann Bhasgais (Gàidhlig: làn) a th e agus gun tàinig am facal gu Basgais mar Araba agus gu Spàinntis mar Álava a rèir fuaimneachadh nan cànan fhèin, leis an alt al/ar ann an Arabais.

Iomraidhean

{