Volapük
'S e cànan cruthaichte a th' ann am Volapük a chaidh a chruthachadh ann an 1880 le Johann Martin Schleyer. Bha Schleyer na shagart Caitligeach às a' Ghearmailt. Bha e den bheachd gun robh Dia air innse dha gum bu chòir dha cànan eadar-nàiseanta a chruthachadh. Chaidh còmhdhailean Volapük a chumail ann an 1884, 1887, agus 1889. B' e amas a' chànain gum biodh comas aig daoine ann an diofar dhùthchannan a bhith a' bruidhinn ri chèile.
| Volapük | ||
|---|---|---|
| Far a bheil i 'ga bruidhinn |
| |
| Siostam-litreachaidh | Laideann | |
| 'Ga riaghladh le | Kadäm Volapüka (Acadamaidh na Volapük) | |
| Còdan Cànan | ||
| ISO 639-1 | VO | |
| ISO 639-2 | VO1 | |
| ISO 639-3 | VO1 | |
 | ||
Ged a bha Volapük gu math mòr-chòrdte an toiseach, chaill i tòrr den luchd-leantainn aice às dèidh 1887 nuair a chaidh Esperanto a chruthachadh. Tha Esperanto nas fhasa ionnsachadh na Volapük le gràmair a tha tòrr nas sìmplidhe agus bha sin am measg nan adbharan airson crìonadh na Volapük. Tha glè bheag de luchd-labhairt aig Volapük a-nis.
Tha a' mhòr-chuid de briathrachas na Volapük às a' Bheurla, le beagan fhaclan às a' Ghearmailtis agus às an Fhraingis.
Tha "Vol" agus "pük" a' tighinn bho na faclan Beurla "world" agus "speech". Tha an gràmar stèidhichte air cànanan Innd-Eòrpach.
Seo eisimpleir de Volapük: Urnaigh an Tighearna:
O Fat obas, kel binol in süls, paisaludomöz nem ola!
Kömomöd monargän ola!
Jenomöz vil olik, äs in sül, i su tal!
Bodi obsik vädeliki govolös obes adelo!
E pardolös obes debis obsik,
äs id obs aipardobs debeles obas.
E no obis nindukolös in tendadi;
sod aidalivolös obis de bas.
Jenosöd![1]
Iomraidhean
deasaich- ↑ Yeager, Ingvar Stenström e Leland B. (): Interlinguistica e Interlingua: discursos public (es). Lulu.com, td. 10. ISBN 9789197706643. Air a thogail 17mh dhen Mhàrt 2017.