Uicipeid:Tùsan agus Iomraidhean

Tha an duilleag seo a' mìneachadh nam poileasaidhean a dh'aontaich a' choimhearsnachd a thaobh tùsan agus iomraidhean air Uicipeid na Gàidhlig.

Feuch is na atharraich am poileasaidh gun deasbad air duilleag na deasbaireachd.

Poileasaidh air Tùsan agus Iomraidhean Geàrr-iomradh: feumar iomradh gu tùs earbsach a ghabhas dearbhadh a bhith anns na h-aistean. Chan amais Uicipeid air ‘an fhìrinn’ fhoillseachadh ach ‘na rudan a ghabhas dearbhadh’. Nithear seo le bhith cur iomraidhean stèidhichte air tùsan earbsach anns na h-aistean. Dè th’ ann an iomradh? ‘S e th’ ann an ‘iomradh’ ach an rud a tha ag innse dhut dè am fianais a th’ air cùl gach pìos fiosrachaidh ann an aiste. Innsidh e dhut cò an tus às an tàinig am fiosrachadh agus càite am faighear an tùs. Nochdaidh iad anns na h-aistean mar àireamhan beaga (mar seo) a bhios gad thoirt gu ceangal aig bonn na duilleig. Tha e cudromach gum bi iomraidhean anns na h-aistean a dhearbhas am fiosrachadh annta. Le iomraidhean sna h-aistean, fàsaidh Uicipeid nas fheàrr agus nas earbsaiche. Dè th’ ann an tùs earbsach? ‘S e th’ ann an tùs ach leabhar, iris sgoilearach, làrach-lìn no àite eile far am faighear fiosrachadh. Mar as trice, tha tùs earbsach ma tha e foillsichte le daoine no buidheann aig a bheil deagh chliù airson obair cheart, sgoilearach no ùghdarrasail. Eisimpleirean: ✔ eòlaichean leithid Ruaraidh MacThòmais ✔ oilthighean ✔ buidhnean oifigeil leithid [NàdarAlba]], Ainmean-àite na h-Alba Mar as trice, 's fheàrr le Uicipeid tùsan secondary air sàilleabh is gun do rinn cuideigin sgrùdadh no breithneachadh air an fhiosrachaidh ro làimh. A dh’aindeoin sin, mura h-eil tùs secondary ri lorg, faodar tùsan primary a chleachdadh. Tha siud nas fhearr na aiste gun tùs idir. Dè nach eil earbsach? Chan eil a h-uile rud a tha foillsichte air loidhne no ann an leabhar earbsach. Chan e tùsan earbsach a th' anns na rudan a leanas Blogaichean Liostachan no làraich air-loidhne gun ainm an ùghdair, gun tùsan aige fhèin. na tha caraid agad ag ràdh (fiù’s ma tha iad ceart – cha tèid a dhearbhadh le leughadair eile) Am feumar tùs Gàidhlig a chleachdadh? Chan fheum a h-uile tùs a bhith sa Ghàidhlig. Mur h-eil tùs sa Ghàidhlig, no mura h-eil tùs Gàidhlig ann a tha earbsach, cleachd tùs sa Bheurla no cànan iomchaidh eile. B’ fheàrr le Uicipeid tùsan earbsach Gàidhlig a chleachdadh ged-tà air sàilleabh gu bheil e a' brosnachadh cleachdadh na Gàidhlig agus a' taisbeanadh nan goireasan agus sgrìobhaidhean a tha ri fhaighinn ann an Gàidhlig. Cruth nan iomraidhean Thathas a' moladh iomraidhean a dhèanamh le 1) An Deasaiche Lèirsinneach. Mas chleachdas tu an deasaiche lèirsinneach, cuirear cruth air na h-iomraidhean gu fèin-obrachail. 2) Teamplaidean nan iomraidhean a leanas: leabhar naidheachd iris làrach-lìn Mura bi thu a' cleachdach teamplaid, feuch an cleachd tu Gàidhlig anns na h-iomraidhean airson na rudan a leanas: ed. by - deas. le accessed - leughte / air a tharraing pp. - d. / td. Gus an lorg leughadair eile an leabhar no tùs, na atharraich cànan an tùs no ainm an ùghdar m.e. Cleachd 'Oxford University Press' chan e 'Press Oilthigh Ath nan Dàmh'. Na eadar-theangaich tiotal m.e. Herder's "Ursprung der Sprache" , chan e ‘Freumh Cainnte aig Herder’. (faic am poileasaidh air Ainmean Leabhraichean). Dè an diofar eadar tùsan agus ‘ceanglaichean a-mach’? Aig bonn gach duilleig, bu chòir liosta den iomraidhean a bhith ann. Cuideachd, faodar liosta a chur ann air na tùsan a bharrachd a chaidh a chleachdadh san fharsaingeachd airson an aiste a sgrìobhadh. Tha ceanglaichean a-mach a' stiùireadh an leughadair gu àiteachan eile far am faighear barrachd fiosrachaidh air loidhne. Faic cuideachd: Ciamar a chuireas mi iomradh a-steach?