An diofar eadar na mùthaidhean a rinneadh air "Sgìreachd-easbaig Skálholt"

'S e [[Sgìreachd-easbaig]] agus aon de na làraich eachdraidheil as cudromaiche san [[dùthaich]] 's a th' ann an '''Skálholt'''.<ref>[https://icelandroadguide.com/items/skalholt/ Iceland Road Guide]</ref> Tha e suidhichte ann an ceann a deas [[Innis Tìle|Innise Tìle]], faisg air [[Selfoss]], ann an [[Bláskógabyggð]], san roinn ''[[Suðurland]]'' (Roinn a Deas), ri taobh [[Abhainn|na h-Aibhne]] ''Hvítá''. Tha an t-ainm a' ciallachadh ''Lag an Àrois'' sa chànan aca, bho Skála ([[Àros]]) agus Holt ([[lag]]). Ghabh an dùthaich ri [[Criosdaidheachd]] anns an [[11mh Linn]], pròiseas ris an canadh ''Kristnitakin'' ([[Gàidhlig]]: [[Crìosdachadh Innis Tìle]]).<ref>[http://www.kirkjukort.net/kirkjur/skalholt_026.html Kirkjukort]</ref> Chuireadh air dòigh dà sgìreachd-easbaig, [[Sgìreachd-easbaig Hólar|Hólar]] ann an [[Hjaltadalur]] ann an [[1106]], a tha suidhichte ann an taobh tuath na dùthcha agus Skálholt fhèin, ann an [[1056]]. Chaidh Skálholt a thaghadh o chionns gu robh e gu math faisg air [[Þingvellir]], far an robh [[pàrlamaid]] na duthcha ([[Innis-Tìlis]]: [[Alþingi]]). Chuireadh Skálholt ri chèile le Hólar ann an aon sgìreachd-easbaig nàiseanta ann an [[1801]]. Chaidh eaglais a thogail ann an Skálholt goirid às deidh na ràinig Crìosdaidheachd dhan dùthaich agus an sin shuidh a' chiad easbaig ann an Innis Tìle. Bha Skálholt na [[prìomh-bhaile|phrìomh-bhaile]] na dùthcha fad timcheall air 750 [[bliadhna]], agus b' ann an an seo a chaidh a' chiad [[sgoil]] fhosgladh ann an Innis Tìle, air an robh ''Skálholtsskóli''.<ref>Mjöll Snæsdóttir, Gavin Lucas og Orri Vésteinsson (2006). Saga Biskupsstólanna. Fornleifar og rannsóknir í Skálholti. Reykjavík: Bókaútgáfan Hólar. bls. 675.</ref> Tha fios gun robh timcheall air 1,200 neach a' fuireach ann an Skálholt, am baile as motha aig an àm.