Brian Stowell
B’ e Thomas Brian Stowell (no Brian Mac Stoyll) (6 Sultain 1936 – 18 Faoilleach 2019) fear de na prìomh luchd-iomairt ann an ath-bheothachadh na Manainnise. Rugadh e ann an Dùbhghlas, Eilean Mhanainn. Bha e ’na chraoladair Manainnise, ’na chànanaiche agus ’na sgrìobhadair. Nuair a bha e fhathast ’na oileanach òg, fhuair e fileantas ann am Manainnis, agus rinn e clàraidhean fuaime de chainnt an luchd-labhairt dùthchasach mu dheireadh. Dh’ionnsaich e Gaeilge na h-Èireann cuideachd, agus dh’eadar-theangaich e goireasan teagaisg às a’ chànan sin gu Manainnis. Nuair a thàinig Raidió Manann gu bith, bha pàirt mòr aige ann an leasachadh craolaidh san eilean.
| Gnè | fireann  |
|---|---|
| Saoranach de | Rìoghachd Aonaichte, Eilean Mhanainn |
| Ainm-breith | Thomas Brian Stowell |
| Ainm | Brian |
| Sloinneadh | Stowell |
| Là-breithe | 6 dhen t-Sultain 1936 |
| Àite-breithe | Doolish |
| Là bàis | 18 dhen Fhaoilleach 2019 |
| Àite-bàis | Doolish |
| Cànain a bhruidhneas no sgrìobhas | Beurla, Manainnis, Gaeilge |
| Cànain a sgrìobh | Manainnis |
| Dreuchd | sgrìobhadair, pearsa rèidio, neach teagaisg oilthigh/colaiste, fiosaigiche |
| Thog foghlam aig | Oilthigh Liverpool |
Air Latha Tinvaal 2010, thug an Tinvaal, neo Dáil Mhanainn, urram do Stowell - an aithne as àirde as urrainn staid Mhanainn a bhuaileachadh air duine sam bith.
Dh’fhoillsich e an leabhar Reks Carlo ayns Mannin, eadar-theangachadh bhon Ghaeilge dhan Mhanainnis de sgeulachd mun lorg-phoileas Reics Carlo. Ann an 1990, dh’fhoillsich e tionndadh Manainnise de Alice’s Adventures in Wonderland mar Contoyryssyn Ealish ayns Çheer ny Yindyssyn. Sgrìobh e cuideachd a’ chiad nobhail thùsail a-riamh sa chànan, Dunveryssyn yn Tooder-Folley (Muirt an Deoghladair-fala), a chaidh fhoillseachadh ann an 2006.