Wuppertal
Wuppertal
| |||||
 | |||||
| |||||
| Suidheachadh | |||||
| Dùthaich |  A' Ghearmailt
| ||||
| Ceàrn | Ruhrgebiet | ||||
| Sgìre |  Nordrhein-Westfalen
| ||||
| Co-chomharran | 51° 16 00' Tuath 07° 11 00' Ear | ||||
| Feartan fiosaigeach | |||||
| Farsaingeachd | 168.41 km² | ||||
| Àireamh-shluaigh | 355,004 (2020) | ||||
| Dlùths | 2,107.97/km² | ||||
| Àireamh fòn | +49 0202, 02058, 02053 | ||||
| Duilleag oifigeil | Duilleag Oifigeil | ||||
'S e baile mòr gnìomhachail faisg air Düsseldorf air an àirde an iar na Gearmailt a th' ann an Wuppertal (IPA: ˈvʊpɐtaːl). Tha e suidhichte ri taobh na h-Aibhne Wupper, aig 160 m os cionn ìre na mara, anns an raon gnìomhachais Ruhrgebiet, san stàit (Gearmailtis: Land) Nordrhein-Westfalen. Tha 355,004 duine a' fuireach ann.[1]
Eachdraidh deasaich
Chaidh Wuppertal a chruthachadh ann an 1929 nuair a dh' aontachadh Beyenburg, Barmen, Cronenberg, Elberfeld, Langerfeld, Ronsdorf agus Vohwinkel ann an aon bhaile. Aig an toiseach-tòisichidh chanadh Barmen-Elberfeld ris, ach bhot muinntir an àite airson ainm ùr - Wuppertal - a tha a' ciallachadh Gleann Wupper. Chaidh na coimhearsnachd sin uile a chlàradh airson a' chiad turais anns na meadhan aoisean, mar a leanas: Cronenberg (1050), Barmen (1070), Elberfeld (1161), Ronsdorf (1246), Beyenburg (1298), Langerfeld (1304), agus Vohwinkel (1356). Bhuinneadh cha mhor a h-uile gin dhiubh do dh' Àrd-diùcachd Bherg.[2] Thogadh campa-prìosain tràth an seo, air an robh KZ Kemna, a bha ag obrachadh eadar 1933 agus 1934. B' e àite far a phrìosanachadh daoine a bha an aghaidh Nàsachd.[3] Sheas cuid a dhaoine na Gearmailt an aghaidh Adolf Hitler an seo ann an 1934, nuair a chuir buidheann de Crìosdaidhean ainmean dhan Barmer Theologische Erklärung (Gàidhlig: Foirgheall Diadhaireach Bharmen), a thuirt nach b' urrainn do Chrìosdaidhean a ghabhail ri Nàsachd idir.
Daoine ainmeil deasaich
- Friedrich Engels (1820–1895) Neach-teòiridh poileataigeach, feallsanaiche agus sgrìobhadair.[4]
- Friedrich Bayer (1825–1880) Neach-stèidhichidh Bayer AG.[5]
- Pina Bausch (1940–2009) Dannsair.[6]
Bailtean co-cheangailte deasaich
Ceanglaichean a-mach deasaich
Iomraidhean deasaich
- ↑ Statistisches Bundesamt
- ↑ Köbler, Gerhard (1988). Historisches Lexikon der deutschen Länder. Munich:Verlag C. H. Beck, 639. ISBN 3406332900.
- ↑ Mintert, David Magnus (2007). Das frühe Konzentrationslager Kemna und das sozialistische Milieu im Bergischen Land, Oilthigh Ruhr, Bochum.
- ↑ Hunt, Tristram (2010). Marx's General: The Revolutionary Life of Friedrich Engels. Macmillan, ISBN 9780805092486.
- ↑ Bayer AG
- ↑ “Biography | Pina Bausch Foundation”. Fonndas Pina Bausch. Air a thogail 3s dhen Lùnasdal 2021.