Cill Naomh Ghobhainn

'S e seipeal a tha ann an Cill Naomh Ghobhainn (Cuimris: Eglwys Sant Gofana; Beurla: St. Govan's Chapel). Tha i suidhichte mu dhà mhìle san àirde a deas air Bosherston ann an Sir Benfro ann an iar-dheas na Cuimrigh.

Cill Naomh Ghobhainn

Cill Naomh Ghobhainn

Cill Naomh Ghobhainn, Sir Benfro

Chaidh a thogail ann an creag agus tha an togalach cho mòr ri 20 x 12 troigh (6.1 m × 3.7 m). Tha dìreach aon seòmar ann. Tha na ballachan à clach-aoil. Chaidh a' chuid a bu mhotha den chill a thogail anns an 13mh linn, ged a tha pàirtean ann a tha nas sine na sin, is dòcha às an 6mh linn, nuair a bha Naomh Gobhainn, a bha na mhanach a' fuireach ann an uamh ri taobh an t-seipeil. A rèir beul-aithris tha Naomh Gobhainn tìodhlaichte fo altair na cille, a bhios ann an taobh an ear an togalaich.

Tha an doras ann an taobh a tuath agus tha beingean à clachan suidhichte aig na ballaichean ann an taobh tuath is taobh a deas an t-seipeil. Tha coltas ann gun deach am mullach à sglèata a chur air anns na h-amannan ùra an taca ris a' chorr dhen togalaich.

Tha staidhre ann le 52 ceum bho cheann na creige chun na cille. Ach a rèir beul-aithris gheibhear àireamh eadar-dhealaichte nam biteadh a' dol sìos neo a' dol suas.

Anns an 2 an Lùnastal 1996 chaidh an togalach a chur ri liosta nan togalaichean le ìre Grade I. Tha e saor an-asgaidh thadhail air a' chill. Ach an-diugh tha an togalach air roinn MOD's Castlemartin East Firing Range agus mar sin bidh amannan ann far nach bi e ceadaichte coimhead air.