'S e [[neach-malairt]] ausagus [[neach-poileataigs]] à [[Innis Tìle]] a th' ann am '''Bjarni Benediktsson'''.<ref>[https://www.althingi.is/altext/cv/is/?nfaerslunr=652 Alþingi]</ref> Rugadh e air [[26 am Faoilleach]] [[1970]] ann an [[Reykjavík]] ach tha e a' fuireach a-nis ann an [[Garðabær]].<ref>[https://www.dv.is/fokus/folk/2017/01/15/svona-bua-radherrarnir/ DV]</ref> Bha [[bràthair-seanar]] Bhenediktsson, air an robh [[Bjarni Benediktsson (1908)|Bjarni Benediktsson]] ([[1908]] - [[1970]]) cuideachd na neach-poileataigs.<ref>[http://www.borgarskjalasafn.is/desktopdefault.aspx/tabid-3881 Borgarskjalasafn]</ref> Tha Benediktsson na bhall [[Sjálfstæðisflokkurinn]], a' chiad fhòrsa poileataigeach as motha san [[Alþingi]], agus a tha san [[riaghaltas]] ann an co-bhann còmhla ri [[Vinstrihreyfingin - grænt framboð]] agus [[Framsóknarflokkurinn]]. Bha Benediktsson na ''forsætisráðherra'' ([[Gàidhlig]]: [[Prìomh-mhinistear]]) eadar [[Am Faoilleach]] [[2017]] agus [[An t-Samhain]] 2017. Fhuair e a chuid [[foghlam|foghlaim]] aig [[Oilthigh Innis Tìle]] ([[Innis-Tìlis]]: ''Háskóli Íslands''). Tha Benediktsson pòsta aig Þóra Margrét Baldvinsdóttir agus tha ceathrar chloinne aca còmhla. Bha Benediktsson na chathraiche air dà chompanaidh - N1 agus BNT - anns na [[bliadhna|bliadhnaichean]] [[2005]] - [[2008]] ac leig e dheth na dreuchdan cathraiche seo a bh'aige às deidh tuiteam a' bhanca ann an Innis Tìle as t-fhoghar [[2008]] oir bha e a' faireachdainn gu robh cruaidh fheum aige air sgarradh a dhèanamh eadar na bha e an sàs ann am [[malairt]] agus [[poileataigs]]. Às deidh an tuiteam sin, a thug staing gu math doirbh air [[eaconomaidh]] Innise Tìle, rinn a' Chomataidh Sgrùdaidh sgrùdadh air cia mheud BP a fhuair iasad de chòrr air ceud millean krónur bho 2005 gu ruige tuiteam nam bancaichean san Dàmhair 2008. Thàinig gu bàrr gu robh fiachan de 174 millean aig Benediktsson. Stèidhich Benediktsson a' chompanaidh far-oirthir Falson & co anns [[Na h-Eileanan Sheiseall]] ann an [[2006]]. Bha a' chompanaidh sin a' riaghladh na bha Benediktsson a' cur ri pròiseactan thogalaichean ann an [[Dubai]].<ref>[https://offshoreleaks.icij.org/stories/bjarni-benediktsson Offshore Leaks]</ref> Ann an [[2015]], nochd aoidion dàta gu robh Benediktsson air a bhith na neach-cleachdaidh clàraichte air an làrach-lìn Ashley Madison, a tha na làrach-lìn airson daoine pòsta no daoine ann an dàimhean a tha a' gabhail ri [[Adhaltranas|adhaltrachd]]. Chaidh Benediktsson a chlàradh an sin fon ainm-cleachdaidh "IceHot1".<ref>[https://www.visir.is/g/2015150839870 Visir]</ref> Thuirt Benediktsson agus Baldvinsdóttir gu bheil iad air an clàradh còmhla air an lìon dìreach airson [[spòrs]].
