An diofar eadar na mùthaidhean a rinneadh air "Sabhal Mòr Ostaig"

Is e '''Sabhal Mòr Ostaig''' colaiste [[Gàidhlig|Ghàidhlig]] na h-[[Alba]], is e 'na ionad nàiseanta cànan is cultar na Gàidhlig, stèidhichte ann an [[Slèite]] san [[An t-Eilean Sgitheanach|Eilean Sgitheanach]]. Aig a' cholaiste, tha Sabhal Mòr Ostaig a' tabhainn chùrsaichean làn-tìde tro mheadhan na Gàidhlig suas gu ìre ceum le urram agus ceum maighstireachd agus dotaireachd, tro [[Sgeama na Gàidhlig]] aig [[Oilthigh na Gàidhealtachd agus nan Eilean]]. Gabhaidh na cùrsaichean sin a dhèanamh pàirt-ùine air astar cuideachd, agus am measg nan cùrsaichean eile air astar tha an Cùrsa Inntrigidh airson luchd-tòiseachaidh na Gàidhlig, an Cùrsa Adhartais a tha aig ìre a' chiad bliadhna oilthigh, agus MSc ann an Cultar Dùthchasach agus Eachdraidh na h-Alba.

Tha iomadh phròiseact eile stèidhte air làraich na Colaiste: an companaidh foillseachaidh [[Cànan Earranta|Cànan]]; am pròiseact rannsachaidh [[Soillse]]; [http://www.faclair.ac.uk/ Faclair na Gàidhlig]; Ainmean Àite na h-Alba; stiùidio telebhisein. Chuidich SMO ri [[Ionad Chaluim Chille Ìle]] a chur air chois agus tha ceanglaichean làidir eadar na colaistean.