An diofar eadar na mùthaidhean a rinneadh air "Jane Austen"

Bha '''Jane Austen''' ([[16 an Dùbhlachd]] [[1775]] - –[[18 an t-Iuchar]] [[1817]]) 'na sgrìobhadair [[Sasainn|Sasannach]] a sgrìobh nobhailean romansach mu na h-uachdaranan agus na teaghlaichean aca. Bhuannaich iad cliù dhìdhi mar aon de na sgrìobhadairean a b' ainmeile anns a Bheurla. B' e am fìorachas, an t-ìoranas làidir, is an aithris shòisealta aice a bhuannaich dhìdhi an t-àite eachdraidheil seo, a-rèir barail sgoilearan is bhreithnichean. Dh’fhuirich Austen fad a beatha mar phàirt de theaghlach a bha gu math dlùth. B’ e uachdaranan a bh’ annta, ach cha b' e teaghlach beartach no neartmhor a bh’ ann.

Fhuair i foghlam bho a h-athair is a bràithrean na b' aosta, agus barrachd air sàilleibh ’s gun do leugh i mòran. Bha taic dhìleas bhon teaghlach aice air leth cudromach dhìdhi 'na leasachadh mar sgrìobhadair proifeiseanta. Mhair a preantasachd mar sgrìobhadair bho na bha i 'na deugair gus an robh i seachad air trithead bliadhna a dh’aois. Rè an ama sin, dh’fheuch i diofar cruthan litreachais. Thòisich i ''epistolary novel'' (nobhail tro litrichean/leabhar-latha), ach thug i thairis an nobhail seo. An uair sin, sgrìobh i is dh’ath-sgrùd i trì nobhailean cudromach is thòisich i air a’ cheathramh tè. Eadar 1811 is 1816 chaidh ''Sense and Sensibility'' (1811) ''Pride and Prejudice'' (1813), ''Mansfield Park'' (1814) is ''Emma'' (1816) fhoillseachadh, agus dh’fhàs i soirbheachail 'na sgrìobhadair. Sgrìobh i dà nobhail a’ bharrachd, ''Northanger Abbey'' is ''Persuasion'', agus chaidh an dà dhiubh fhoillseachadh às dèidh a bàs. Thòisich i nobhail eile ach chaochail i mus do chuir i crìoch oirre.