Pardubice

Pardubice Bratach a' bhaile Gearradh-arm no Seula
Suidheachadh
Dùthaich	An t-Seic
Ceàrn	Pardubice
Sgìre	Pardubický kraj
Co-chomharran	50° 02 19' Tuath 15° 46 45' Ear
Feartan fiosaigeach
Farsaingeachd	77.71 km²
Àireamh-shluaigh	89,693 (2017)
Dlùths	1,154.2/km²
Àireamh fòn	+ 773
Duilleag oifigeil	http://www.pardubice.cz/

'S e baile mòr agus sgìreachd (Seacais: okres) ann an cridhe Poblachd nan Seiceach a th' ann am Pardubice (IPA: pardubɪtsɛ, Gearmailtis: Pardubitz). Tha Pardubice suidhichte eadar Pràg agus Ostrava san roinn (Seacais: kraj) Pardubický, aig comar nan Aibhnichean Labe (Gearmailtis: Elbe), agus Chrudimka, aig 237m os cionn ìre na mara. Tha 89,693 duine a' fuireach ann. 'S e an deicheamh baile as motha na dùthcha a th' ann cuideachd.

Eachdraidh

Chaidh am baile a chlàradh airson a' chiad turais ann an 1062 agus bhuineadh e dhan Ostair-Ungaire ro 1918. Chlàradh an t-ainm Gearmailteach mar Königingrätz ach chaidh a ghiorrachadh gu Königgrätz ro 1900. 'S ann à dà fhacal ann an Seacais a tha an t-ainm: hradec (Gàidhlig: caisteal) agus královna (Gàidhlig: banrigh). Bheireadh sin Caisteal na Bànrighinn dhuinn sa Ghàidhlig. B' e gu robh A' Bhanrigh Eliška-Rejčka (1288 - 1335) na tàmh an seo fad corr is 30 bliadhna is am baile na phàirt dubharaidh na Bànrighinn. Anns an 15mh Linn ghabh na daoine à Hradec Králové leis na beachdan aig Jan Hus (1389 - 1415) agus iadsan nan Husaich làidir. Dh'fhàg mòran Pròsdanaich am baile às dèidh Chath Weißen Berg ann an Cogadh nam 30 Bliadhna. Bha am baile fo bhuaidh feachdan Suaine fad 8 mìos ann an 1639. Bha batal eile an seo ann an 1866 (Gearmailtis: Schlacht bei Königgrätz), far an do chuir arm na Prùise ruaig air feachdan na h-Ostair agus Rìoghachd Shagsainn. Cha do dh'fhàs am baile ach anns na 20an is 30an. Chaidh cha mhor a h-uile daoine aig an robh Gearmailtis a chur às a' bhaile is an dùthaich ann an 1946.

Daoine Aimeil

• Jaroslav Stark (1960 - 2010)

Ceanglaichean A-mach

• Riaghaltas na Roinne