An diofar eadar na mùthaidhean a rinneadh air "Plzeň"

'S e [[baile]] mòr agus sgìreachd ([[Seacais]]: ''okres'') air an àirde an iar [[An t-Seic|Poblachd nan Seiceach]] a th' ann am '''Plzeň''' ([[IPA]]: ''pl̩.zɛɲ'', [[Gearmailtis]]: ''Pilsen''). Chaidh am baile a chlàradh airson a' chiad turais ann an [[976]] agus bhuineadh e dhan [[Ostair-Ungaire]] ro [[1918]]. Dh'fhàs Plzeň gu math beairteach anns na meadhanan aoisean air sàilleabh gu robh e suidhichte air slighe mhalairt eadar [[Regensburg]] agus [[Nürnberg]]. Cha do ghabh muinntir Phlzeň leis na beachdan ùra aig [[Jan Hus]] ([[1369]] – [[1415]]) ged a bha iad nam mion-chuid fad dà cheud bliadhna. Ann an [[1618]] thuit am baile do fheachdan [[Pròsdanachas|Phròsdanaich]] fo Ernst von Mansfeld ann an Cogadh nan 30 Bliadhna, a chum e gu ruige [[1621]].<ref>[http://vega.nkp.cz/arl-muz/cs/detail-muz_us_auth-0009648-oblehani-Plzne-1618-Plzen-cesko/?qt=mg NKP]</ref> Chuairtich feachdan na [[An t-Suain|Suaine]] am baile trì tursan eadar [[1637]] agus [[1648]], cha do ghèill e idir. Thoisich [[Tionndadh Gnìomhachais]] an seo fad an [[19mh Linn]] leis gun do dh'fhosgladh taighean-gnìomhachais mòra mar [[Škoda]] ([[1869]]) agus rèilichean. Dh'atharraich sin am baile is Seicich a-nis nam mòr-chuid is daoine aig an robh Gearmailtis nam mion-chuid. Nochd an [[leann]] Pilsner an seo ann an [[1842]].<ref>[https://www.thespruce.com/history-of-pilsner-353306 The Spruce]</ref> Rinn tuiltean droch sgrios air a' bhaile ann an [[2002]]<ref>[http://www.waymarking.com/waymarks/WM6N8Z Waymarking]</ref>. Tha Plzeň suidhichte air na crìochain leis [[A' Ghearmailt]], eadar [[Pràg]] agus Nürnberg san roinn ([[Seacais]]: ''kraj'') [[Plzeňský kraj|Plzeňský]], aig [[comar]] nan [[Abhainn|Aibhneachan]] Mže, Radbusa, Úhlava, Úslava agus Oder (Seacais ''Odra''), aig 310m os cionn ìre na [[Muir|mara]]. Tha 169,033 duine a' fuireach ann.<ref>[http://www.statistik.at Cunntas-sluaigh na Stàite]</ref> 'S e an ceathramh baile as motha na [[Dùthaich|dùthcha]] a th' ann cuideachd.