An diofar eadar na mùthaidhean a rinneadh air "Seán Ó Riada"

Bha e na cheannard air [[Ceoltóirí Chualann]] bho [[1961]] gu [[1969]], is ged a chluicheadh iad ann an talla-ciùil, is deiseachan dubh snasail orra, b’ e puirt is òrain traidiseanta a sheinneadh iad. Bhiodh Seán fhèin a’ cluich air [[bodhran]] no [[cruit-chòrda]] aig meadhan an àrd-ùrlair. Cha robh am bodhran cumanta aig an àm, biodh e dìreach air a chleachdadh le balaich sna sràidean, is cha robh fiù ‘s [[clàrsach|clàrsaichean]] fo an cothrom, mar sin chluicheadh e cruit-chòrda a dhèanadh [[Cathal Gannon]] dha. Ged a bha na h-òrain is puirt ud air an cluiche ann an taighean-seinnse ann an [[Lunnainn]], le Èireannaich a bha a’ fuireach ann, cha chluinneadh iad roimhe an ceòl sna tallachan-ciùil. Chlàr iad ceòl airson “Playboy of the Western World” ([[1962]]), is chluich iad an turas mu dheireadh ann an [[1969]], na tha clàraichte air “Ó Riada Sa Gaiety". Ghabh buill Cheoltóirí Chualann pàirt ann an còmhlan-ciùil ùr a nochd aig an àm, [[The Chieftains]]. Rinn Ceoltóirí Chualann agus daoine eile ath-bheòthachadh air cèol [[Toirdhealbhach Ó Cearbhalláin|Uí Chearbhalláin]] san darna leth dhen [[20mh Linn]] agus tha pìosan mar "Sí Bheag, Sí Mhór"<ref>[http://www.oldmusicproject.com/OCC.html Old Music Project]</ref> agus na pìosan a chleachd Planxty ainmeil gus ar làithean.