An diofar eadar na mùthaidhean a rinneadh air "Ceithir-cheàrnach"

'S e '''ceithir-cheàrnach''' an t-ainm a th' air [[poileagan]] aig a bheil ceithir [[ceàrn (Matamataig)|ceàrnan]], [[gob]]an, no taobhan. Faodaidh e bhith [[poileagan sìmplidh|sìmplidh]] no [[poileagan fèin-thrasnaidh|fèin-thrasnaidh]], [[poileagan dronnach|dronnach]] no [[poileagan cuasach|cuasach]]. Tha dà [[trastan|thrastan]] aig '''ceithir-cheàrnach''', agus ma tha e sìmplidh 's e suim nan [[ceàrn (Matamataig)|ceàrnan]] a-staigh 360°.

 

 

<center>''Ceithir-cheàrnaich a tha, bho chlì gu deas, dronnach, cuasach agus fèin-thrasnaidh''.</center>

'S e '''[[trapesium]]''' (facal [[Laideann]] leis an iolra: ''trapesia'') a th' ann ma tha paidhir thaobhan ''co-shìnte'' aig a' cheithir-cheàrnach. Tha na [[ceàrn (Matamataig)|ceàrnan]] ∠BAD agus ∠ADC [[ceàrn co-leasachail|co-leasachail]], mar a tha na ceàrnan ∠ABC agus ∠BCD.

 

 

 

Ma tha an ''dà phaidhir'' thaobhan co-shìnte, 's e '''ceithir-cheàrnach co-shìnte''' no '''[[parailealogram]]''' mar ainm air. Tha [[trastan|trastain]] a' pharailealograim a' dèanamh dà leth air a chèile. Tha na taobhan mu choinneamh den aon fhaid agus tha na [[ceàrn (Matamataig)|ceàrnan]] aig [[gob]]an mu choinneamh co-ionnan.

 

 

 

Ma tha [[parailealogram]] ''ionnan-thaobhach'', canar sinn '''[[rombas]]''' ris. Tha [[trastan|trastain]] an [[rombas|rombais]] a' trasnadh aig [[ceàrn ceart]]. 'S e [[parailealogram]] agus [[trapesium]] a th' ann an '''rombas''' agus tha e a' sealbhachadh feartan nan cumaidhean ud.

 

<center>''’Se cuisean sònraichte de pharailealogram a th’ ann an rombas agus ann an ceart-cheàrnach.''</center>

 

Ma tha ''[[rombas]]'' ionnan-cheàrnach, no ''[[ceart-cheàrnach]]'' ionnan-thaobhach, canar sinn '''[[ceàrnag]]''' ris. 'S e [[ceart-cheàrnach]], [[rombas]], [[parailealogram]] agus [[trapesium]] a th' ann an '''ceàrnaig''' agus tha i a' sealbhachadh feartan nan cumaidhean seo uile. A bharrachd air sin 's e ceithir-cheàrnach [[poileagan riaghailteach|riaghailteach]] a th' innte.

 

 

 

::<math> \eta+\theta=180^\circ \,</math>

 

 

 

Ma tha [[trapesium]] ''[[poileagan cearclach|cearclach]]'' tha e '''[[poileagan co-chasach|co-chasach]]'''. Tha [[loidhne]] cothromachaidh aige. Tha an aon fhaid aig na taobhan claon agus 's ann co-ionnan a tha na [[ceàrn (Matamataig)|ceàrnan]] aig gach ceann nan loidhnichean co-shìnte.

 

'S e cuisean sònraichte de thrapesium cearclach a th' ann an [[ceart-cheàrnach]] agus [[ceàrnag]].

 

'S e cuis sònraichte de dh' [[itealag (Geoimeatras)|itealaig]] a th' ann an [[rombas]] agus [[ceàrnag]].

 

 

=== Ceart-cheàrnaich dhà-mheadhanach ===

Ma tha ceithir-cheàrnach ''beantainneach'' agus ''cearclach'' tha [[cuairtchearcall]] agus [[cearcall snaighte]] aige. San fharsaingeachd, chan eil an dà [[cearcall|chearcall]] co-mheadhanach. Nam biodh, b' e [[ceàrnag]] a bhiodh ann.