An diofar eadar na mùthaidhean a rinneadh air "Bàrdachd Ghàidhlig"

Ann an 18mh linn, bha cuid de na bàird Gàidhlig an sàs ann an [[Ar-a-mach nan Seumasach 1745-1746|Ar-a-mach nan Seumasach]], mar eisimpleir [[Alasdair mac Mhaighstir Alasdair]] neo [[Iain Ruadh Stiùbhart]], is bha iad a' sabaid anns an arm aig [[Prionnsa Teàrlach Stiùbhart]]. Bha [[Rob Donn MacAoidh]] a' sgrìobhadh bàrdachd mu dhèidhinn nan daoine is nan tachartasan anns a' bhaile far an robh e a' fuireach, agus òrain a tha fhathast ainmeil. Tha [[Uilleam Ros]] gu h-àraidh ainmeil mar bhàrd gaoil. 'S e bàrd spioradail a bh' ann an [[Dùghall Bochanan]], sgrìobh e dàin diadhaidh is cuideachd leabhar-latha far a bheil e a' toir cunntas air a bheatha is iompachadh cràbhach. Tha Donnchadh Bàn Mac an t-Saoir ainmeil airson a bhàrdachd nàdarrach, mar eisimpleir 'Òran Coire a' Cheathaich', 'Cead Deireannach nam Beann' neo 'Moladh Beinn Dòbhrain'.