An diofar eadar na mùthaidhean a rinneadh air "Charles Lapworth"

Ann an 1869 phòs e Janet Sanderson, nighean a' mhaighstir-sgoile anns [[An Geal Àth|a' Gheal Àth]] agus bhon uair sin bha e airson fuireach anns an sgìre seo. Bha e fhèin na mhaighstir-sgoile fad 11 bhliadhna ann an sgoil na h-Eaglais Easbaigich anns a' Gheal Àth. An uair sin chaidh e air ais don oilthigh gus clach-eòlas ionnsachadh agus thòisich e ag obair mar neach-cuideachaidh ann am Madras College ann an [[Cill Rìmhinn]], [[Fìobha]]. Ann an 1881 b' e esan a’ chiad ollamh airson clach-eòlas ann am ''Mason's College'', (an-diugh Oilthigh Bhirmingham) far an robh e a' teagasg gus an do leig e a dhreuchd dheth.

 

B' e esan a' chiad fear a chruthaich an teòiridh chonnspaideach gun robh na creagan na bu sine nan laige air mullach nan creagan na b' òige. Bha e a' beachdachadh gum b' e pasgadh iom-fhillte a b' adhbhar. Chaidh an teòiridh a dhearbhadh le [[Ben Peach]] agus [[John Horne]] leis an obair a rinn iad air iar-thuath na Gàidhealtachd.