An diofar eadar na mùthaidhean a rinneadh air "Uilleam Uallas"

Bhon a rinneadh Uallas na cheannard air an arm [[Albannach]] agus na [[cileadair|chileadair]] air an [[rìoghachd]] mar fhear-ionaid Rìgh Iain, thòisich na h-Albannaich air glacadh nan [[daingneach|daingnichean]] Sasannach fhèin, 's air marbhadh na dream a bha cumail freiceadan annta. Bha na h-Albannaich a' spealgadh às a chèile len cuid tuaighean geatachan cuid de na caistealan, 's gun na saighdearan Sasannach comasach air an cur air falbh, 's bha iad a' glacadh cuid eile dhiubh le seòltachd. Thriall Uallas troimh thaobh an ear Alba air ceann armailt lionmhoir, agus air a chur an deagh òrdagh, 's cha robh caisteal, eadar uisge Thatha agus [[Crombagh]], nach do thuit roimhe ann am beagan sheachdainnean, ach caisteal Dhùn Dèagh a-mhàin. Thill Uallas gu deas a chur sèis ris an daingneach seo an ciad mhìos an fhoghair, 1297, dìreach an ceann bliadhna an dèidh do Eideard dol air ais do Shasann, an dùil gun robh Alba gu do-sgaraichte aige air a h-aonadh ri a rìoghachd fhèin.

== Aistean co-cheangailte ==