B' e sgoilear PalestinianachPalastaineach a bh’ ann an '''Edward Wadi Said''' a rugadh ann an [[Ierusalem]] ann an [[1935]] nuair a bha Palestine[[Palastain]] fo smachd Ìompaireachd Bhreatainn. Ged a b’ e Crìosdaidhean a bhuineadh dha Eaglais Shasainn (an Eaglais Easbaigeach) a bha san teaghlach aige, thuirt Said ma dheidhinn fhèin gur e “''Crìosdaidh còmhdaichte ann an cultar Muslamach''” a bh’ ann dheth. Chuir e seachad a' chuid bu mhotha de bhliadhnaichean fhìor-òigridh ann an sgoiltean Ierusalem, ach an dèidh a' chogaidh eadar na h-Iùdhaich agus na h-Arabaich ann an 1948 ghluais e fhèin agus a theaghlach gu [[Cairo]] far an robh bùth aig athair. An dèidh dha a bhith a' frithealadh àrd-sgoil ainmeil anns [[an Èipheit]], chuir e crìoch air a chuid foghlaim anns [[na Stàitean Aonaichte]] aig Oilthigh Phrinceton agus [[Oilthigh Harvard]]; agus an dèidh greis fhuair e dreuchd mar ollamh ann an litreachas na Beurla aig Oilthigh Cholumbia ann an [[Eabhraig Nuadh (baile)|New York]]. Bhiodh e gu tric a' càineadh poileasaidhean stàit Israel[[Iosrael]] is e a' toirt taic do mhuinntir Phalestine. Tha e ainmeil airson an leabhair 'Orientalism' a sgrìobh e mu bhuaidh ìompaireachdan na [[an Roinn Eòrpa|Roinn Eòrpa]] air seallaidhean an luchd-ealain Eòrpaich mu choinneamh coimhearsnachdan, cànanan is cultar an [[An Ear Mheadhanach|Ear-Mheadhanaich]] is Àisia a Deas. Cho math ri bhith na sgoilear cliùiteach a thaobh litreachais bha Said cuideachd na neach-ciùil gu math ealanta air a' phiàno. An dèidh dha a bhith a' fulang le [[aillse]] airson còrr is deich bliadhna, fhuair e bàs ann an 2003.
